ഏകദിന ലോകകപ്പ് യോഗ്യതാ: ത്രില്ലർ മത്സരത്തിൽ അയർലൻഡിനെതിരെ സ്‌കോട്ട്‌ലൻഡിന് ഒരു വിക്കറ്റിൻറെ ജ്യം

 

ക്വീൻസ് സ്‌പോർട്‌സ് ക്ലബ്ബിൽ ബുധനാഴ്ച നടന്ന പുരുഷ ഏകദിന ലോകകപ്പ് യോഗ്യതാ ഗ്രൂപ്പ് ബി മത്സരത്തിൽ സ്‌കോട്ട്‌ലൻഡിന്റെ ചേസ് അവസാന പന്ത് വരെ നീണ്ട് നിന്നു. അവസാന പന്തിൽ ഓൾറൗണ്ടർ മൈക്കൽ ലീസ്‌കിന്റെ ബൗണ്ടറിയിൽ അവർ ഒരു വിക്കറ്റിന് വിജയിച്ചു.

ആദ്യം ബാറ്റ് ചെയ്ത അയർലൻഡ് 286/8 എന്ന നിലയിൽ ഇന്നിങ്ങ്സ് അവസാനിപ്പിച്ചു. ഓൾറൗണ്ടർ കർട്ടിസ് കാംഫറിന്റെ മികച്ച 120-ഉം ജോർജ്ജ് ഡോക്രെലിന്റെ 69-ഉം ആണ് ടീമിനെ മികച്ച നിലയിൽ എത്തിച്ചത്. സ്‌കോട്ട്‌ലൻഡിന് വേണ്ടി ബ്രാൻഡൻ 5 വിക്കറ്റ് നേടി.

മറുപടി ബാറ്റിങ്ങിനിറങ്ങിയ സ്‌കോട്ട്‌ലൻഡ് 152/7 എന്ന നിലയിൽ പ്രതിസന്ധിയിലായി. 61 പന്തിൽ ഒമ്പത് ഫോറും നാല് സിക്സും സഹിതം പുറത്താകാതെ 91 റൺസ് നേടിയ ലീസ്കി സ്കോട്ട്ലൻഡിന് ആവേശകരമായ വിജയം നേടിക്കൊടുത്തു.