എൻസിടിടിഎ പുരുഷ അത്‌ലറ്റ് ഓഫ് ഇയർ അവാർഡ് നേടുന്ന ആദ്യ ഇന്ത്യക്കാരനായി മുദിത്
2022-23 ലെ തന്റെ അസാധാരണ പ്രകടനത്തിന് നാഷണൽ കൊളീജിയറ്റ് ടേബിൾ ടെന്നീസ് അസോസിയേഷന്റെ (എൻസിടിടിഎ ) പുരുഷ അത്‌ലറ്റ് ഓഫ് ദ ഇയർ അവാർഡ് നേടുന്ന ആദ്യ ഇന്ത്യക്കാരനായി മുദിത് ഡാനി ചരിത്ര പുസ്തകത്തിൽ പ്രവേശിച്ചു. എൻസിടിടിഎ , യുഎസ്എ ടേബിൾ ടെന്നീസിലെ ഒരു ദേശീയ സംഘടനാ അംഗമാണ്, കൂടാതെ എല്ലാ സീസണിന്റെ അവസാനത്തിലും യുഎസ്എ , കനേഡിയൻ സർവ്വകലാശാലകളിൽ ഉടനീളം മികച്ച പ്രകടനം കാഴ്ചവയ്ക്കുന്ന പുരുഷ അത്‌ലറ്റിന് അഭിമാനകരമായ അവാർഡ് നൽകുന്നു.
“എൻസിടിടിഎ പുരുഷ അത്‌ലറ്റ് ഓഫ് ദി ഇയർ അവാർഡ് ലഭിക്കുന്നത് അവിശ്വസനീയമായ ബഹുമതിയാണ്. അതിലുപരി ഈ നേട്ടം കൈവരിക്കുന്ന ആദ്യ ഇന്ത്യക്കാരനെന്ന നിലയിൽ. ഏത് തലത്തിലും ഇന്ത്യയെ പ്രതിനിധീകരിക്കുന്നത് എനിക്ക് എല്ലായ്പ്പോഴും ഏറ്റവും സംതൃപ്തി നൽകുന്ന കാര്യമാണ്,” മുദിത് പറഞ്ഞു .
