ആഷസ് 2023 : ഓസ്‌ട്രേലിയക്ക് മൂന്ന് വിക്കറ്റ് നഷ്ടമായി
വെള്ളിയാഴ്ച ആരംഭിച്ച ആദ്യ ആഷസ് 2023 ടെസ്റ്റിന്റെ രണ്ടാം ദിനത്തിൽ ഒന്നാം ഇന്നിങ്ങ്സ് ആരംഭിച്ച ഓസ്‌ട്രേലിയക്ക് മൂന്ന് വിക്കറ്റ് നഷ്ടമായി. ഒടുവിൽ വിവരം കിട്ടുമ്പോൾ അവർ മൂന്ന് വിക്കറ്റ് നഷ്ടത്തിൽ 117 റൺസ് നേടിയിട്ടുണ്ട്. 52 റൺസുമായി ഉസ്മാൻ ഖവാജയും 31 റൺസുമായി ട്രാവിസ് ഹെഡ്മാണ് ക്രീസിൽ. ഡേവിഡ് വാർണർ(9) മാർനസ് ലാബുഷാഗ്നെ(0) സ്റ്റീവ് സ്മിത്(16) എന്നിവരുടെ വിക്കറ്റ് ആണ് ഓസ്‌ട്രേലിയക്ക് നഷ്ടമായത്. ഇംഗ്ലണ്ടിന് വേണ്ടി സ്റ്റുവർട്ട് ബോർഡ് രണ്ടും ബെൻ സ്റ്റോക്സ് ഒന്നും വിക്കറ്റ് നേടി.
14/0 എന്ന നിലയിൽ ഇന്ന് ബാറ്റിംഗ് ആരംഭിച്ച ഓസ്‌ട്രേലിയക്ക് 15 റൺസ് എടുക്കുന്നതിനിടെ വാർണറെ നഷ്ടമായി. ഉടൻ തന്നെ അവർക്ക് ലാബുഷാഗ്നെയും നഷ്ട്ടപെട്ടു. പിന്നീടെത്തിയ സ്മിത്ത് പതുക്കെ ഇന്നിങ്ങ്സ് തുടങ്ങിയെങ്കിലും ഇംഗ്ലണ്ട് ബൗളിങ്ങിന് മുന്നിൽ വലുതായി പിടിച്ച് നിൽക്കാൻ ആയില്ല. ഇതോടെ ഓസ്‌ട്രേലിയ 67/3 എന്ന നിലയിലായി. പിന്നീട് ഖവാജയും ഹെഡും ചേർന്ന് ടീമിനെ മുന്നോട്ട് നയിക്കുകായണ്. ഇരുവരും ചേർന്ന് ഇതുവരെ അമ്പത് റൺസ് നേടിയിട്ടുണ്ട്. സ്മിത്തും ഖവാജയും ചേർന്ന് മൂന്നാം വിക്കറ്റിൽ 48 റൺസ് നേടിയിരുന്നു.
