മോന്‍സ താരമായ കാർലോസ് അഗസ്റ്റോയുടെ സൈനിങ്ങ് എത്രയും പെട്ടെന്ന് പൂര്‍ത്തിയാക്കാന്‍ ഒരുങ്ങി ഇന്‍റര്‍ മിലാന്‍
സമ്മർ ട്രാൻസ്ഫർ വിൻഡോയിൽ മോൺസ വിംഗ്ബാക്ക് കാർലോസ് അഗസ്റ്റോയെ സൈൻ ചെയ്യാനുള്ള താൽപര്യം വര്‍ധിപ്പിക്കാനുള്ള തീരുമാനത്തില്‍ ആണ് ഇന്‍റര്‍ മിലാന്‍.റോബിൻ ഗോസെൻസ് ഈ സമ്മറില്‍ ഇന്‍റര്‍ വിടാന്‍ ഇരിക്കെ തങ്ങളുടെ ലെഫ്റ്റ് ബാക്ക് ഓപ്ഷനുകള്‍ ശക്തിപ്പെടുത്തുന്നതിന് പറ്റിയ താരം ആണ് അഗസ്റ്റോ എന്ന് മിലാന്‍ മാനേജ്മെന്റ് വിശ്വസിക്കുന്നു.
മിലാന്‍ ഇതിനകം തന്നെ താരവുമായി വ്യക്തിഗത നിബന്ധനകള്‍ അംഗീകരിച്ചു കഴിഞ്ഞു.ഇനിയുള്ളത് മോന്‍സയുമായി തരകേടില്ലാത്ത ഒരു ഡീലില്‍ എത്തുക എന്നുള്ളതാണ്.ജര്‍മന്‍ ലീഗില്‍ നിന്ന് വൂൾഫ്സ്ബർഗ്, ബൊറൂസിയ മോൺചെൻഗ്ലാഡ്ബാച്ച്, ഐൻട്രാക്റ്റ് ഫ്രാങ്ക്ഫർട്ട്,ബയേർ ലെവർകുസെൻ എന്നിങ്ങനെ നിരവധി ക്ലബുകള്‍ താരത്തിനു വേണ്ടി ചരട് വലി നടത്തുന്നതിനാല്‍ മോന്‍സ താരത്തിന് വേണ്ടി ആവശ്യപ്പെടാന്‍ പോകുന്ന തുക അല്പം കൂടുതല്‍ ആയിരിക്കും എന്ന ആശങ്ക മിലാന്‍ ടീമിനുണ്ട്.എന്നാല്‍ എന്ത് തന്നെ ആണ് എങ്കിലും താരത്തിനെ സൈന്‍ ചെയ്യാന്‍ തന്നെ ആണ് ചാമ്പ്യന്‍സ് ലീഗ് ഫൈനലിസ്റ്റുകളുടെ തീരുമാനം.
