ചെൽസിയുടെ കെയ് ഹാവെർട്ട്സിനെ സൈന്‍ ചെയ്യാന്‍ ലക്ഷ്യമിട്ട് റയല്‍ മാഡ്രിഡ്
ഈ വേനൽക്കാല സമ്മര്‍ വിന്‍ഡോയില്‍ ചെൽസി ഫോർവേഡ് കെയ് ഹാവെർട്സിനെ സൈൻ ചെയ്യാൻ റയൽ മാഡ്രിഡ് താൽപ്പര്യപ്പെടുന്നുവെന്ന് റിപ്പോർട്ട്.ലോസ് ബ്ലാങ്കോസിന്‍റെ ഈ സീസണ്‍ വളരെ മോശം ആയാണ് അവസാനിച്ചത്.ലീഗ് കിരീടം ബാഴ്സക്ക് മുന്നില്‍ അടിയറവ് വെച്ച അവര്‍ക്ക് ചാമ്പ്യന്‍സ് ലീഗിലും അടി തെറ്റി.അന്‍സലോട്ടിക്ക് കീഴില്‍ വലിയ മാറ്റങ്ങള്‍ വരുത്താന്‍ ആണ് റയല്‍ ലക്‌ഷ്യം ഇടുന്നത്.
ട്രാൻസ്ഫർ വിദഗ്ധനായ ഫാബ്രിസിയോ റൊമാനോയുടെ അഭിപ്രായത്തിൽ, റയൽ ലക്ഷ്യമിടുന്ന കളിക്കാരിൽ ഒരാളാണ് ഹാവെർട്സ്.കരിം ബെന്‍സെമ ടീം വിടും എന്ന വാര്‍ത്ത വന്നപ്പോള്‍ ആണ് താരത്തിനെ റയല്‍ സൈന്‍ ചെയ്യാന്‍ തീരുമാനിക്കുന്നത്.എന്നാല്‍ എങ്ങോട്ടും താന്‍ പോകുന്നില്ല എന്ന തന്‍റെ തീരുമാനം താരം അറിയിച്ചു എങ്കിലും കായി ഹവേര്‍ട്ട്സിനെ ഇപ്പോഴും റയല്‍ തങ്ങളുടെ ട്രാന്‍സ്ഫര്‍ ടാര്‍ഗറ്റ് ആയി കരുതുന്നു.താരത്തിനെ കോച്ച് അന്‍സലോട്ടിക്കും ഏറെ പ്രിയം ആണ്. ചെല്‍സിയില്‍ നിലവില്‍ മോശം ഫോമില്‍ കളിക്കുന്ന കായി ഹവേര്‍ട്ട്സ് റയല്‍ മാഡ്രിഡില്‍ നിന്നുള്ള ഒരോഫര്‍ വരുകയാണ് എങ്കില്‍ അദ്ദേഹം അത് സ്വീരിക്കാന്‍ ആണ് നിലവിലെ സാധ്യത.
