ഇവാൻ എൻ’ഡിക്കയെ ഒപ്പിടാൻ വാക്കാലുള്ള കരാറില്‍ ബാഴ്സ എത്തിയതായി റിപ്പോര്‍ട്ട്
വരാനിരിക്കുന്ന വേനൽക്കാല ട്രാന്‍സ്ഫറില്‍ ഐൻട്രാക്റ്റ് ഫ്രാങ്ക്ഫർട്ട് ഡിഫൻഡർ ഇവാൻ എൻഡിക്കയെ സ്വന്തമാക്കാൻ ബാഴ്‌സലോണ വാക്കാലുള്ള കരാറിൽ എത്തിയതായി റിപ്പോർട്ട്.23 കാരനായ ഫ്രഞ്ചുകാരൻ സീസണിന്റെ അവസാനത്തിൽ ടീം വിടുമെന്ന് പ്രതീക്ഷിക്കുന്നു.6 അടി 4 ഇഞ്ച് ഉയരം ഉള്ള എൻ ഡിക്ക, കഴിഞ്ഞ നാലര വർഷമായി ഫ്രാങ്ക്ഫർട്ടിനൊപ്പം ചെലവഴിച്ചിട്ടുണ്ട്.
ജര്‍മന്‍ ക്ലബിന് വേണ്ടി 168 മത്സരങ്ങളില്‍ നിന്ന് 10 ഗോളുകളും 10 അസിസ്റ്റുകളും നൽകാന്‍ അദ്ദേഹത്തിന് കഴിഞ്ഞു.2021-22 യൂറോപ്പ ലീഗ് ജേതാക്കളായ ഫ്രാങ്ക്ഫർട്ട് ടീമിലെ അവിഭാജ്യ ഘടകം ആയിരുന്നു താരം.2023-24 കാമ്പെയ്‌നിന് മുന്നോടിയായുള്ള സൗജന്യ കൈമാറ്റത്തിൽ ആണ് ബാഴ്സക്ക് വരാന്‍ താരം തയ്യാറായിരിക്കുന്നത്.എന്നിരുന്നാലും, കരാർ ഇതുവരെ അന്തിമമായിട്ടില്ലെന്നും ഫ്രഞ്ചുകാരൻ സാവിയുടെ സ്ക്വാഡിലെ ഏറ്റവും പുതിയ അംഗമാകുമെന്ന് ഉറപ്പാക്കാൻ മാർച്ച് പകുതി വരെ എങ്കിലും കാത്തിരിക്കണം എന്ന് മാര്‍ക്ക റിപ്പോര്‍ട്ട് ചെയ്തിട്ടുണ്ട്.പ്രീമിയർ ലീഗ് ക്ലബുകള്‍ ആയ മാഞ്ചസ്റ്റർ യുണൈറ്റഡും ലിവർപൂളും ഡിഫൻഡറെ ട്രാക്ക് ചെയ്യുന്നതായി വാര്‍ത്തയുണ്ട്.
