ബ്രസീലിയന്‍ വണ്ടര്‍ കിഡിനു വേണ്ടി യൂറോപ്പ്യന്‍ ക്ലബുകള്‍ നല്‍കിയ ഓഫറുകള്‍ നിരസിച്ച് അത്ലറ്റിക്കോ പരാനൻസ്
കൗമാരക്കാരനായ സ്‌ട്രൈക്കർക്കായി അത്ലറ്റിക്കോ പരാനെൻസിന് നിരവധി ഓഫറുകൾ ലഭിച്ചിട്ടുണ്ടെന്ന് ബ്രസീലിയൻ വണ്ടർകിഡ് വിറ്റർ റോക്കിന്റെ ഏജന്റ് സ്ഥിരീകരിച്ചു.ഗ്ലോബോ എസ്പോർട്ടിനോട് സംസാരിച്ച റോക്കിന്റെ പ്രതിനിധി ആന്ദ്രെ ക്യൂറി ബാഴ്സലോണ ഉള്‍പ്പടെ മൂന്ന് ടീമുകൾ കളിക്കാരന് ഓഫറുകൾ നൽകിയിട്ടുണ്ടെന്ന് വെളിപ്പെടുത്തി.ബാഴ്സ 25 മില്യൺ യൂറോ മൂല്യം ഉള്ള ബിഡ് ആണ് താരത്തിന് വേണ്ടി സമര്‍പ്പിച്ചത്.
ക്ലബുകള്‍ നല്‍കിയ എല്ലാ ബിഡുകളും ബ്രസീലിയന്‍ ക്ലബ് നിരസിച്ചു.ബ്രസീലിയൻ ലീഗിൽ നിന്ന് അടുത്തിടെ ഏറെ പേര് കേട്ട പ്രതിഭയാണ് വിറ്റർ റോക്കോ.ഒരു സ്വാഭാവിക സ്‌ട്രൈക്കർ ആയ താരത്തിന് രണ്ട് വിങ്ങുകളിലും കളിക്കാൻ ഉള്ള പ്രാപ്തിയുണ്ട്.യൂറോപ്പിലെമ്പാടുമുള്ള ക്ലബ്ബുകൾ 17 വയസ്സുകാരന്റെ ഒപ്പിനായി മത്സരിക്കുന്നു.പ്രീമിയർ ലീഗ് വമ്പന്മാരായ ആഴ്സണലും അദ്ദേഹത്തിനെ സൈന്‍ ചെയ്യാന്‍ താല്‍പര്യപ്പെടുന്നു.എന്നാല്‍ നിലവിലെ സാഹചര്യങ്ങള്‍ വിശകലനം ചെയ്യുകയാണ് എങ്കില്‍ താരത്തിനെ സൈന്‍ ചെയ്യാന്‍ സാധ്യത കൂടുതല്‍ ബാഴ്സക്ക് ആണ് എന്നാണ് യൂറോപ്പിയന്‍ മാധ്യമങ്ങള്‍ പറയുന്നത്.
