സ്പാനിഷ് സൂപ്പർകപ്പിനായി പുതിയ വാര്‍ സാങ്കേതികവിദ്യ അവതരിപ്പിക്കും
സ്പാനിഷ് സൂപ്പർകപ്പ് അടുത്ത ആഴ്ച ആരംഭിക്കും, റോയൽ സ്പാനിഷ് ഫുട്ബോൾ ഫെഡറേഷൻ ഇത് പുതിയ സാങ്കേതികവിദ്യ കൊണ്ടുവരാനുള്ള അവസരമായി ഉപയോഗിക്കാന്‍ ഒരുങ്ങുന്നു. സൗദി അറേബ്യയിലെ റിയാദിൽ ആദ്യമായി ഓഫ്‌സൈഡുകൾക്കായുള്ള ഓട്ടോമാറ്റിക് വിഎആർ ഉപയോഗിക്കുമെന്ന് സ്പാനിഷ് ഫുട്ബോൾ ഫെഡറേഷൻ എംഡി അറിയിച്ചു.
ഓഫ്‌സൈഡ് തീരുമാനങ്ങളുടെ ചിത്രം യാന്ത്രികമായി സംയോജിപ്പിച്ച് റഫറിക്ക് വ്യക്തമായ വിധി നൽകുന്ന സാങ്കേതികവിദ്യ ഈ വർഷം തന്നെ ചാമ്പ്യൻസ് ലീഗ്, യൂറോപ്യൻ സൂപ്പർകപ്പ്, ലോകകപ്പ് എന്നിവയിൽ പ്രവർത്തിച്ചിരുന്നു.മാച്ച് ഒഫീഷ്യല്‍സ് ആണ് ഇത്രയും കാലം ഓഫ് സൈഡ് ലൈന്‍ വരച്ചിരുന്നത്.ഇനി അത് മെഷീനുകൾ ആയിരിക്കും ചെയ്യാന്‍ പോകുന്നത്.ഇത് തീരുമാനങ്ങള്‍ പെട്ടെന്ന് ആക്കാനും കൂടാതെ തെറ്റ് വരാനുള്ള സാധ്യത വളരെ കുറവ് ആക്കാനും കഴിയും എന്നതാണ് ഈ ടെക്നോളജിയുടെ ഗുണം.
