ഫുട്ബോൾ ഇതിഹാസമായ പെലെ (82) അന്തരിച്ചു

എക്കാലത്തെയും മികച്ച ഫുട്ബോൾ താരങ്ങളിലൊരാളായ ബ്രസീലിയൻ ഇതിഹാസം പെലെ (82) ഇന്നലെ   അന്തരിച്ചു.2021 സെപ്റ്റംബറിൽ അദ്ദേഹം വൻകുടലിലെ ട്യൂമറിന് ശസ്ത്രക്രിയക്ക് വിധേയന്‍ ആയിരുന്നു.എന്നാല്‍ ചികിത്സ കഴിഞ്ഞും അദ്ദേഹത്തിന്റെ സ്ഥിതിയില്‍ വലിയ മാറ്റങ്ങള്‍ ഒന്നും ഉണ്ടായില്ല.കഴിഞ്ഞ കുറച്ച് ദിവസങ്ങള്‍ ആയി താരത്തിന്‍റെ ആരോഗ്യനില കൂടുതല്‍ വഷളായി വരുകയായിരുന്നു.

നവംബർ 29 മുതൽ സാവോ പോളോയിലെ ആൽബർട്ട് ഐൻ‌സ്റ്റൈൻ ഇസ്രായേൽ ഹോസ്പിറ്റലിൽ ചികിത്സയില്‍ കഴിയുകയായിരുന്നു ഇതിഹാസ താരം വൻകുടലിലെ അർബുദത്തെ തുടർന്നുള്ള ഒന്നിലധികം അവയവങ്ങൾ തകരാറിലായതിനെ തുടർന്ന് ബ്രസീലിയൻ സമയം ഉച്ചകഴിഞ്ഞ് 3.27 ന് ആണ്  നിര്യാതന്‍ ആയത്.തന്റെ ഐതിഹാസിക കരിയറിൽ, 1956 നും 1977 നും ഇടയിൽ ക്ലബ്ബിനും രാജ്യത്തിനുമായി 1,279 ഗോളുകൾ പെലെ നേടി, ബ്രസീലിനായി 92 മത്സരങ്ങളിൽ നിന്ന് 77 ഗോളുകൾ ഉൾപ്പെടെ.1958, 1962, 1970 വർഷങ്ങളിൽ ട്രോഫി ഉയർത്തി മൂന്ന് ലോകകപ്പുകൾ നേടിയ ചരിത്രത്തിലെ ഏക കളിക്കാരൻ കൂടിയാണ് ബ്രസീലിയൻ.