ഒടുവില്‍ അന്‍സൂ ഫാട്ടിയുമായി വേര്‍പിരിയാന്‍ ബാഴ്സലോണ
2019-ൽ 16-ാം വയസ്സിൽ തന്റെ ആദ്യ ടീമിൽ അരങ്ങേറ്റം കുറിച്ചപ്പോൾ അടുത്ത വരും കാലങ്ങളില്‍ ഫുട്ബോളിനെ മാറ്റി മറക്കാന്‍ കെല്‍പ്പുള്ള ബാഴ്‌സലോണയിൽ നിന്നുള്ള ഒരു താരമായി അന്‍സൂ ഫാട്ടിയെ എല്ലാവരും കണ്ടു.കഴിഞ്ഞ സീസണിന്റെ തുടക്കത്തിൽ ലയണൽ മെസ്സി ബ്ലൂഗ്രാന ഒഴിഞ്ഞപ്പോള്‍ അദ്ധേഹത്തിന്റെ പ്രസിദ്ധമായ പത്താം നമ്പര്‍ ജേഴ്സി പോലും താരത്തിന് ക്ലബ് നല്‍കിയിരുന്നു.
എന്നിരുന്നാലും, പരിക്കുകളുടെയും മോശം ഫോമിന്റെയും ഫലമായി അദ്ദേഹത്തിന്റെ കരിയർ സ്തംഭനാവസ്ഥയിലായി, നിലവിലെ ബോസ് സാവി ഹെർണാണ്ടസിന്റെ കീഴിൽ ക്യാമ്പ് നൗവിൽ സ്ഥിരം സ്റ്റാർട്ടറായി അദ്ദേഹം പരിഗണിക്കപ്പെടുന്നില്ല.എന്നിട്ടും ക്ലബ്ബിൽ തുടരാനും തന്റെ സ്ഥാനത്തിനായി പോരാടാനും തനിക്ക് താൽപ്പര്യമുണ്ടെന്ന് 20-കാരൻ വെളിപ്പെടുത്തി. എന്നാല്‍ സീസണിന്റെ അവസാനത്തിൽ ഫാത്തിയെ 60 മില്യൺ യൂറോയ്ക്ക് പേര് വെളിപ്പെടുത്താത്ത ഒരു ക്ലബ്ബിന് വിൽക്കാൻ ബാഴ്സലോണ സമ്മതിച്ചതായി വാര്‍ത്ത സ്പാനിഷ് കായിക മാധ്യമം ആയ ടോഡോഫിചാജസ് നല്‍കിയിരിക്കുന്നു.ഇനിയും താരത്തിനു സമയവും പണവും മുടക്കാന്‍ ക്ലബ് ആഗ്രഹിക്കുന്നില്ലത്രേ.
