ഒടുവില്‍ മെസ്സിയെ തേടിയെത്തി മറഡോണ കുടുംബത്തിന്റെ ആശംസയും
2022 ഫിഫ ലോകകപ്പിന്റെ ഫൈനലിൽ വിജയം നേടി അര്‍ജന്‍റ്റീനയെ ലോകത്തിന്‍റെ നെറുകയില്‍ എത്താന്‍ സഹായിച്ച മെസ്സിക്ക് ആശംസ നല്‍കി കൊണ്ട് മറഡോണയുടെ മകന്‍ രംഗത്ത്.ഈ വിജയത്തോടെ ദക്ഷിണ അമേരിക്കൻ രാജ്യത്തിന്റെ 36 വർഷം നീണ്ട ലോകകപ്പ് വരൾച്ചയ്ക്ക് വിരാമമായി. 1986-ൽ മറഡോണ നേടിയ ചരിത്രം ആവര്‍ത്തിക്കാന്‍ ലയണൽ മെസ്സിക്ക് തന്‍റെ കരിയര്‍ പൂര്‍ത്തിയാവും വരെ കാത്തിരിക്കേണ്ടി വന്നു.
“അർജന്റീന ലോകകപ്പ് ചാമ്പ്യന്മാരാണ്, നിങ്ങളുടെ ഈ വിജയത്തില്‍ ഞാന്‍ എത്രത്തോളം സന്തോഷവാന്‍ ആണ് എന്ന് നിങ്ങള്‍ക്ക് അറിയില്ല.ങ്ങളെക്കാൾ ഈ കപ്പിന് അർഹരായ മറ്റാരുമില്ല.എന്റെ നാട്ടുക്കാരെ സന്തോഷത്തില്‍ ആഴ്ത്തുന്ന നിമിഷം നല്‍കിയതിന് നന്ദി.എന്റെ അച്ഛൻ ഇത് മുകളില്‍ ഇരുന്നു ആഘോഷിക്കുന്നുണ്ടാകും.നിങ്ങളെ വാരി പുണരാന്‍ എനിക്ക് തോന്നുന്നു.”മെസിയുടെ വിജയത്തിൽ ഡീഗോ അർമാൻഡോ മറഡോണ ജൂനിയർ ഇൻസ്റ്റാഗ്രാം പോസ്റ്റിൽ കുറിച്ച വാക്കുകള്‍ ആണിത്.
