എന്‍സോക്ക് വേണ്ടി ഒഫീഷ്യല്‍ ബിഡ് നല്‍കാന്‍ തയ്യാറായി റയല്‍ മാഡ്രിഡ്
2022 ഫിഫ ലോകകപ്പിൽ അർജന്റീനയ്ക്ക് വേണ്ടി മികച്ച പ്രകടനം തുടരെ തുടരെ കാഴ്ചവെക്കുന്ന ബെൻഫിക്ക മിഡ്ഫീൽഡർ എൻസോ ഫെർണാണ്ടസിന് വേണ്ടി റയൽ മാഡ്രിഡ് ഒഫീഷ്യല്‍ ആയി നീക്കം നടത്താന്‍ ഒരുങ്ങുന്നു എന്ന് പോർച്ചുഗീസ് ദിനപത്രമായ ഒ ജോഗോ റിപ്പോർട്ട് ചെയ്യുന്നു.എല്ലാ ലോകക്കപ്പിലും രാജ്യത്തിന്‌ വേണ്ടി മികച്ച ഫുട്ബോള്‍ കളിക്കുന്ന താരങ്ങളെ ടീമിലേക്ക് എടുക്കുന്ന ചരിത്രം റയലിന് ഉണ്ട്.
ഈ ലോകക്കപ്പില്‍ അര്‍ജന്‍ട്ടീനക്ക് വേണ്ടി മിഡ്ഫീല്‍ഡില്‍ എന്‍സോ മികച്ച പ്രകടനം ആണ് പുറത്തെടുത്തത്.ലൂക്ക മോഡ്രിച്ച്,ക്രൂസ് എന്നിവര്‍ക്ക് പിന്‍ഗാമിയെ തപ്പുന്ന തിരക്കില്‍ ആണ് മാഡ്രിഡ്.പന്ത് അനാവശ്യമായി നഷ്ട്ടപ്പെടുത്താതെ കളി നിയന്ത്രിക്കാന്‍ കഴിവുള്ള താരത്തിനു ലോങ്ങ്‌ റേഞ്ചില്‍ ഗോള്‍ നേടാനുള്ള കഴിവും ഉണ്ട്.താരം റയലിന്റെ സ്പോര്‍ട്ടിങ്ങ് പ്രൊജക്റ്റിനു അനുയോജ്യന്‍ ആണ് എന്ന് മാനേജര്‍ അന്‍സലോട്ടിയും സമ്മതിച്ചതായും വാര്‍ത്തയുണ്ട്.ഈ സമ്മറോടെ ബെന്‍ഫിക്കയില്‍ നിന്ന് കരിയര്‍ അവസാനിപ്പിക്കാന്‍ ഇഷ്ട്ടപ്പെടുന്ന താരത്തിന്‍റെ ഒപ്പിനു വേണ്ടി റയല്‍ അല്ലാതെ പല മുന്‍നിര യൂറോപ്പിയന്‍ ക്ലബുകളും മത്സരരംഗത്ത് ഉണ്ട്.
