“ഞങ്ങല്‍ ബെല്‍ജിയത്തിന്റെ സുവർണ്ണ തലമുറയല്ല ” – തിബോട്ട് കോർട്ടോയിസ്
2022-ൽ ഖത്തറിൽ നടക്കുന്ന ഫിഫ ലോകകപ്പ് ടൂർണമെന്റിൽ നിന്ന് പുറത്തായതിന് പിന്നാലെ ബെല്‍ജിയത്തിനെ സൂപ്പർ താരം തിബോട്ട് കോർട്ടോയിസ് കടുത്ത രീതിയില്‍ വിമര്‍ശിച്ചു.കഴിഞ്ഞ ലോകക്കപ്പില്‍ ഉണ്ടായ പോലൊരു മികച്ച സീസണ്‍ തന്നെ ആയിരുന്നു ഏവരും റെഡ് ഡെവിള്‍സില്‍ നിന്ന് പ്രതീക്ഷിച്ചത്.എന്നാല്‍ ഗ്രൂപ്പ് ഘട്ടത്തില്‍ നിന്ന് തന്നെ പുറത്തായ ഈ ടീമിനെ ഒരിക്കലും ഗോള്‍ഡന്‍ ജനറേഷന്‍ എന്ന് വിളിക്കാന്‍ കഴിയില്ല എന്ന് അദ്ദേഹം പറഞ്ഞു.
“ഞങ്ങൾ ഒരു സുവർണ്ണ തലമുറയല്ല, യൂറോപ്പിലുടനീളം ധാരാളം പ്രതിഭകളും മികച്ച കളിക്കാരുമുള്ള ഒരു തലമുറയാണ് ഞങ്ങൾ.നല്ല ഫുട്ബോൾ കളിക്കുന്ന ഒരു ബെൽജിയത്തെ ആയിരുന്നു ഞങ്ങൾ റഷ്യയിൽ കാണിച്ചു തന്നത്.എന്നാല്‍ ഇപ്പോള്‍ സമ്പാദിച്ച എല്ലാ പേരും ഞങ്ങള്‍ കളങ്കപ്പെടുത്തിയിരിക്കുന്നു.”ഡിയാറിയോ എഎസിനോട് അദ്ദേഹം പറഞ്ഞു.തന്‍റെ ടീം പുറത്തായതിന് ശേഷം ഇപ്പോള്‍ ലോകക്കപ്പില്‍ വിജയിക്കാന്‍ താന്‍ ആഗ്രഹിക്കുന്ന ടീം സ്പെയിന്‍ ആണ് എന്നും കോര്‍ട്ടോയിസ് വെളിപ്പെടുത്തി.
