ബലോന്‍ ഡി ഓര്‍ നേടിയതിന് ശേഷം ഇതുവരെ തന്നെ റൊണാള്‍ഡോ അഭിനന്ദനം അറിയിച്ചിട്ടില്ല എന്ന് വെളിപ്പെടുത്തി ബെന്‍സെമ
തന്റെ ബാലൺ ഡി ഓർ വിജയത്തിന് ശേഷം മുൻ സഹതാരം ക്രിസ്റ്റ്യാനോ റൊണാൾഡോ തന്നെ അഭിനന്ദിച്ചിട്ടില്ലെന്ന് വെളിപ്പെടുത്തി കരിം ബെൻസെമ.കഴിഞ്ഞ സീസണിൽ റയൽ മാഡ്രിഡിനായി കളിച്ചതിന് ശേഷം ബെൻസെമ തന്റെ ഐതിഹാസിക കരിയറിലെ ആദ്യത്തെ ബാലൺ ഡി ഓർ സ്വന്തമാക്കി, ലാ ലിഗയിലും ചാമ്പ്യൻസ് ലീഗിലും തന്റെ ടീമിനെ സഹായിച്ച താരത്തിന് വെല്ലുവിളി ഉയര്‍ത്താന്‍ ആരും തന്നെ ഉണ്ടായിരുന്നില്ല.
ഇന്നലെ ഒരു ഫ്രഞ്ച് മാധ്യമത്തിന് അഭിമുഖം നല്‍കവേ ആണ് താരം ഈ വാര്‍ത്ത പുറത്തുവിട്ടത്. ബെൻസീമയും റൊണാൾഡോയും റയലിൽ സ്‌ട്രൈക്ക് പാർട്‌ണർമാരായി ഒമ്പത് വർഷം ഒപ്പം കളിച്ചിരുന്നു.എന്നാൽ ബാലൺ ഡി ഓർ പുരസ്‌കാരം നേടി ഏകദേശം ഒരു മാസമായിട്ടും മാഞ്ചസ്റ്റർ യുണൈറ്റഡ് താരം ബെന്‍സെമയേ അഭിനന്ദിക്കാത്തത് വളരെ നിര്‍ഭാഗ്യകരം എന്ന് ആണ് ഫുട്ബോള്‍ ആരാധകര്‍ വിലയിരുത്തുന്നത്.തന്റെ എകാലതെയും വലിയ സ്വപ്നം ഒരു യാഥാർത്ഥ്യം ആക്കി തന്ന റയല്‍ മാഡ്രിഡിനോട് തന്റെ കടപ്പാടും താരം വെളിപ്പെടുത്തി.
