പോളണ്ട് ഗോൾകീപ്പർ ബാർട്ട്ലോമിജ് ഡ്രാഗോവ്‌സ്‌കിക്ക് പരിക്ക് മൂലം ലോകകപ്പ് നഷ്ടമാകും.
ലോകകപ്പ് തുടങ്ങുന്നതിന് വെറും ഒന്‍പതു ദിവസം ഉള്ളപ്പോള്‍ പോളണ്ട് ഗോൾകീപ്പർ ബാർട്ട്ലോമിജ് ഡ്രാഗോവ്‌സ്‌കിക്കിന് പരിക്ക്.ഇതോടെ താരം ലോകക്കപ്പിന് വേണ്ടി യാത്ര ചെയ്യില്ല എന്ന കാര്യത്തില്‍ ഉറപ്പായി.വെറോണയ്‌ക്കെതിരായ സീരി എ പോരാട്ടത്തിനായി ഡ്രാഗോവ്‌സ്‌കി സ്‌പെസിയയ്‌ക്കായി കളിക്കുകയായിരുന്നു.38-ാം മിനിറ്റിൽ, പോളണ്ട് താരം പന്ത് ക്ലിയർ ചെയ്യാനുള്ള ശ്രമത്തിൽ പുറത്തേക്ക് ഓടിയ താരം വെറോണ പ്ലേയര്‍ ആയ കെവിൻ ലസാഗ്നയുമായി കൂട്ടിമുട്ടി.
/cdn.vox-cdn.com/uploads/chorus_image/image/68651399/1230471259.0.jpg)
ഫലമായി ഡ്രാഗോവ്‌സ്‌കിയുടെ കണങ്കാലിന് മാരകമായ പരിക്കേൽക്കുകയും ചെയ്തു. വേദനകൊണ്ട് നിലവിളിച്ച താരത്തിനെ സഹ താരങ്ങള്‍ ആശ്വസിപ്പിച്ചു.പോളണ്ടിന്റെ 26 അംഗ ടീമിൽ ഇടം നേടിയതിന് ശേഷം ലോകകപ്പിനായി ഖത്തറിലേക്ക് പോകേണ്ടതായിരുന്നു സ്പെസിയ ഗോൾകീപ്പർ.യുവന്റസിന്റെ വോയ്‌സിക് ഷ്‌സെസ്‌നിയാണ് ആദ്യ ചോയ്‌സ് എങ്കിലും, ഡ്രാഗോവ്‌സ്‌കി ഈ സീസണിൽ മികച്ച ഫോമില്‍ കളിക്കുന്നത് മൂലം പോളണ്ട് കോച്ച് ആയ സെഷ്ല മിഷ്നിയേവിഷ് നേരിയ ആശയക്കുഴപ്പത്തില്‍ ആയിരുന്നു.ലോകകപ്പിൽ മെക്സിക്കോ, സൗദി അറേബ്യ, അർജന്റീന എന്നിവർക്കൊപ്പം ഗ്രൂപ്പ് സിയിലാണ് പോളണ്ട്.
