ദഹനപ്രശ്നവുമായി സെർജിയോ റെഗുയിലണിനെ ആശുപത്രിയിൽ പ്രവേശിപ്പിച്ചു
ടോട്ടൻഹാം ഹോട്‌സ്‌പറില്‍ നിന്നും വായ്പക്ക് അത്ലറ്റിക്കോ മാഡ്രിഡില്‍ ചേര്‍ന്ന സെർജിയോ റെഗുയിലനെ ആശുപത്രിയിൽ പ്രവേശിപ്പിച്ചതിനാല്‍ അല്‍മസാനുമായുള്ള കോപ ഡേല്‍ റിയ മത്സരം താരത്തിന് നഷ്ട്ടമായി.അത്ലറ്റിക്കോ മാഡ്രിഡിന്റെ ഔദ്യോഗിക ട്വിറ്റർ അക്കൗണ്ട് പുറത്തു വിട്ട വാര്‍ത്ത പ്രകാരം ദഹനകുറവും അസിഡിറ്റിയും ആണ് താരത്തിനെ ബാധിച്ചിരിക്കുന്നത്.
സ്ഥിതിഗതികൾ ഉടൻ പരിഹരിക്കപ്പെടുമെന്നും റെഗുയിലൺ വീണ്ടും പൂർണ്ണ ഫിറ്റ്നസിലേക്ക് തിരിച്ചെത്തുമെന്നും പ്രതീക്ഷിക്കുന്നതായി സ്പാനിഷ് മാധ്യമങ്ങള്‍ റിപ്പോര്‍ട്ട് നല്‍കിയിട്ടുണ്ട്. ഇതോടെ കളിക്കാരന്റെ ആരാധകർക്കിടയിൽ ജനിച്ച ഉത്കണ്ഠ കുറഞ്ഞിട്ടുണ്ട്.ജോക്വിൻ കൊറിയയുടെയും ജോവോ ഫെലിക്‌സിന്റെയും ഗോളിൽ റെഗുയിലൺ ഇല്ലാതെ കോപ്പ ഡെൽ റേ പോരാട്ടത്തിൽ അത്ലറ്റിക്കോ 2-0 ന് വിജയിച്ചു.കൂടാതെ ലൂയി എന്‍റിക്വെയുടെ സ്പെയിന്‍ ടീമില്‍ ഇടം ലഭിക്കാത്തതിനെ തുടര്‍ന്ന് വിശ്രമത്തിനും മറ്റും താരത്തിനു വളരെ അധികം സമയം കൈയ്യില്‍ ഉണ്ട്. ഏറെ നാളായി കാത്തിരുന്ന ശേഷമാണ് സെർജിയോ റെഗ്വിലോൺ ഈ ആഴ്‌ചയില്‍ ആർ‌സി‌ഡി മല്ലോർക്കയ്‌ക്കെതിരെ തന്‍റെ അരഞ്ഞേറ്റം പൂര്‍ത്തിയാക്കിയത്.
