ഫിഫ ലോകകപ്പിനുള്ള ഇംഗ്ലണ്ട് ടീമിൽ നിന്ന് ചെൽസി താരത്തെ ഗാരെത് സൗത്ത്ഗേറ്റ് ഒഴിവാക്കി

ചെൽസി താരം റീസ് ജെയിംസിനെ ഫിഫ ലോകകപ്പിനായി ഖത്തറിലേക്ക്  കൊണ്ട് പോകേണ്ടത് ഇല്ല എന്ന്  ഗാരെത് സൗത്ത്ഗേറ്റ് തീരുമാനിച്ചു. അന്തിമ സ്‌ക്വാഡ് പ്രഖ്യാപിക്കുന്നതിന് മുമ്പ് മുഴുവൻ ഫിറ്റ്‌നസ് വീണ്ടെടുക്കുമെന്ന് ഡിഫൻഡർ ആത്മവിശ്വാസം പ്രകടിപ്പിച്ചെങ്കിലും ഒരു റിസ്ക് എടുക്കേണ്ടതില്ലെന്ന് മാനേജർ തീരുമാനിച്ചു.സൗത്ത്ഗേറ്റ് കളിക്കാരെ അവരുടെ സ്റ്റാറ്റസ് അറിയിക്കാൻ ബന്ധപ്പെടുന്നുണ്ട്, ഇന്നലെ രാത്രിയാണ് പ്രക്രിയ ആരംഭിച്ചതെന്ന് റിപ്പോർട്ടുകൾ സൂചിപ്പിക്കുന്നു.

കഴിഞ്ഞ മാസം എസി മിലാനെതിരെ ആയിരുന്നു  ചെൽസി താരം റീസ് ജെയിംസിന് കാൽമുട്ടിന് പരിക്കേറ്റത്. ലോകകപ്പിന് തയ്യാറെടുക്കാനുള്ള ശ്രമത്തിൽ തീവ്രമായ ചികിത്സ  പരിപാടിക്ക് വിധേയനാകാൻ അദ്ദേഹം ദുബായിലേക്ക് പോയിരുന്നു.നിലവില്‍ തന്‍റെ കരിയര്‍ പീക്കില്‍ നില്‍ക്കുന്ന താരത്തിനു വെറും 22 വയസ്സ് മാത്രമേ ആയിട്ടുള്ളൂ.ലോകക്കപ്പില്‍ ഇംഗ്ലണ്ടിനെ പ്രതിനിധീകരിക്കാന്‍ താരത്തിന് ഇനിയും അവസരം ലഭിച്ചേക്കും എന്നാണ് സൗത്ത്ഗേറ്റ് കരുതുന്നത്.