ഈഎഫ്എല്‍ ; ലിവര്‍പൂളിനെ നേരിടാന്‍ ഡെർബി കൗണ്ടി
കഴിഞ്ഞ സീസണിലെ ഈഎഫ്എല്‍ ചാമ്പ്യന്മാരായ ലിവര്‍പൂള്‍ ഇന്ന് ഡെർബി കൗണ്ടിയെ നേരിടുന്നു.2021-22 എഡിഷന്റെ ഫൈനലിൽ റെഡ്‌സ് ചെൽസിയെ പെനാൽറ്റിയിൽ പരാജയപ്പെടുത്തിയിരുന്നു.ഇന്ന് ഇന്ത്യന്‍ സമയം ഒന്നര മണിക്ക് ആന്‍ഫീല്‍ഡില്‍ വെച്ചാണ് മത്സരം നടക്കാന്‍ പോകുന്നത്. മൂന്നാം ഡിവിഷന്‍ ഇംഗ്ലീഷ് ഫുട്ബോള്‍ ലീഗ് കളിക്കുന്ന കൌണ്ടി നിലവില്‍ ഏഴാം സ്ഥാനത്താണ്.
കഴിഞ്ഞ മത്സരത്തില്‍ ലീഗ് പട്ടികയില്‍ നാലാം സ്ഥാനത് ഉള്ള ടോട്ടന്‍ഹാമിനെ പരാജയപ്പെടുത്തി ലിവര്‍പൂള്‍ കരുത്ത് തെളിയിച്ചു എങ്കിലും നിലവില്‍ ഈ ടീം ആശയകുഴപ്പത്തില്‍ ആണ്.കരുത്തര്‍ ആയ സിറ്റി,നാപോളി എന്നിവരെ തോല്‍പ്പിച്ച ലിവര്‍പൂള്‍ പട്ടികയില്‍ അവസാന സ്ഥാനത് ഉള്ള നോട്ടിംഗ്ഹാം ഫോറസ്റ്റിനോടും ദുര്‍ബലര്‍ ആയ ലീഡ്സ് യുണൈറ്റഡിനോടും പരാജയപ്പെട്ടിരുന്നു.ഇന്നത്തെ മത്സരത്തില്‍ ക്ലോപ്പ് ടീമില്‍ പ്രധാന താരങ്ങള്‍ക്ക് എല്ലാം വിശ്രമം നല്‍കിയേക്കും എന്നാണ് അറിയാന്‍ കഴിഞ്ഞത്.മോശം ഫോമില്‍ ആണെങ്കിലും കഴിഞ്ഞ നാല് മത്സരങ്ങളില്‍ പരാജയം അറിയാതെയുള്ള വരവ് ആണ് ഡെർബി കൗണ്ടി.
