ഈഎഫ്എല്‍ ലീഗ് ; അവസാന സ്ഥാനക്കാരായ നോട്ടിംഗ്ഹാം ഫോറസ്റ്റിനെ നേരിടാന്‍ ടോട്ടന്‍ഹാം
ഇന്ന് ഈ എഫ്എല്‍ മൂന്നാം റൗണ്ട് മത്സരത്തില്‍ ടോട്ടൻഹാം ഹോട്‌സ്‌പർ പ്രീമിയർ ലീഗ് ടീമായ നോട്ടിംഗ്ഹാം ഫോറസ്റ്റിനെ അവരുടെ തട്ടകത്തിലേക്ക് പോയി നേരിടാന്‍ ഒരുങ്ങുന്നു.ഞായറാഴ്ച നടന്ന പ്രീമിയർ ലീഗിൽ ലിവർപൂളിനോട് 2-1 ന് തോറ്റതിന്റെ നിരാശയില്‍ ആണ് ടോട്ടന്‍ഹാം.ഫോറസ്റ്റ് ആണെങ്കില്‍ ശനിയാഴ്ച ബ്രെന്റ്‌ഫോർഡുമായി 2-2 സമനിലയിൽ പിരിഞ്ഞുള്ള വരവാണ്.
ഇന്ന് രാത്രി ഇന്ത്യന്‍ സമയം ഒന്നേകാലിന് സിറ്റി ഗ്രൗണ്ടില്‍ ആണ് മത്സരം നടക്കാന്‍ പോകുന്നത്. ചാമ്പ്യൻസ് ലീഗിന്റെ നോക്കൗട്ട് റൗണ്ടിലേക്ക് മുന്നേറിയ സ്പർസ് പ്രീമിയര്‍ ലീഗില്‍ നിലവില്‍ നാലാം സ്ഥാനത് ആണ്.കഴിഞ്ഞ അഞ്ച് ലീഗ് മത്സരങ്ങളില്‍ രണ്ടു ജയം മാത്രം നേടിയ അവരുടെ ഫോമില്‍ വന്‍ ഇടിവ് സംഭവിച്ചിട്ടുണ്ട്.പ്രീമിയര്‍ ലീഗിലേക്ക് പ്രമോഷന്‍ ലഭിച്ച ഫോറസ്റ്റിന്റെ ഈ സീസണ്‍ വളരെ മോശം ആയിരുന്നു.വെറും രണ്ടു മത്സരങ്ങള്‍ മാത്രം ജയം നേടിയ നോട്ടിംഗ്ഹാം ആണ് പ്രീമിയര്‍ ലീഗില്‍ അവസാന സ്ഥാനത് ഉള്ളത്.
