പിഎസ്ജിയെ സമനിലയില് തളച്ച് ബെന്ഫിക്ക ; അത്ഭുത ഗോളില് കളം നിറഞ്ഞ് മെസ്സി
ബുധനാഴ്ച ലിസ്ബണിലെ എസ്റ്റാഡിയോ ഡ ലൂസിൽ നടന്ന ചാമ്പ്യൻസ് ലീഗ് പോരാട്ടത്തിൽ പാരീസ് സെന്റ് ജെർമെയ്നെ ബെൻഫിക്ക 1-1 ന് സമനിലയിൽ തളച്ചു.കൈലിയൻ എംബാപ്പെയും നെയ്മറും ഉൾപ്പെട്ട ഒരു ലിങ്ക്-അപ്പ് ഗെയിമിന് ശേഷം ബോക്സിന്റെ അരികിൽ നിന്ന് മികച്ച ഒരു കര്ലിംഗ് ഷോട്ടോടെ മെസ്സി പിഎസ്ജിക്ക് ലീഡ് നേടി കൊടുത്തു.ഇതോടെ ചാമ്പ്യൻസ് ലീഗ് ചരിത്രത്തിൽ 40 വ്യത്യസ്ത എതിരാളികൾക്കെതിരെ ഗോൾ നേടുന്ന ആദ്യ കളിക്കാരനായി അർജന്റീനിയൻ സൂപ്പർതാരം മാറി.
എന്നാൽ 41-ാം മിനിറ്റിൽ എൻസോ ഫെർണാണ്ടസിന്റെ ഇൻ-സ്വിങ്ങിംഗ് ക്രോസ് പിഎസ്ജി ഡിഫൻഡർ ഡാനിലോയെ സ്പര്ശിച്ച് വലയിലേക്ക് പോയതോടെ സ്കോര് സമനിലയായി.രണ്ടാം പകുതിയില് കൂടുതല് കരുത്തോടെ തിരിച്ചടിക്കാന് ശ്രമിച്ചു എങ്കിലും ഒഡീസിയസ് വ്ലാചോഡിമോസിന്റെ സ്മാർട്ടായ സേവുകൾ ബെന്ഫിക്കയേ കാത്തു.മൂന്ന് മത്സരങ്ങൾക്ക് ശേഷം ഗ്രൂപ്പ് എച്ചിൽ പോയിന്റ് നിലയിൽ പിഎസ്ജിയും ബെൻഫിക്കയും ഒന്നും രണ്ടും സ്ഥാനത്താണ്.ചൊവ്വാഴ്ച പാരീസിൽ ഇരു ടീമുകളും വീണ്ടും ഏറ്റുമുട്ടിയേക്കും.
