ഇറ്റലി – ജര്മനി പോരാട്ടം സമനിലയില്
ജോഷ്വ കിമ്മിച്ചിന്റെ സ്ട്രൈക്കിന്റെ ബലത്തില് ശനിയാഴ്ച നടന്ന നേഷൻസ് ലീഗ് ഓപ്പണറിൽ ജർമ്മനി ഇറ്റലിയുമായി 1-1 സമനില നേടി.തുടർച്ചയായ രണ്ടാം ടൂർണമെന്റിന് ലോകകപ്പിന് യോഗ്യത നേടാനാകാത്തതിന്റെ നിരാശ മറികടക്കാൻ ഇറ്റലി തങ്ങളുടെ ടീമില് അടിമുടി മാറ്റം വരുത്തിയാണ് ജര്മനിക്കെതിരെ അണിനിരന്നത്.എഎസ് റോമയുടെ ലോറെൻസോ പെല്ലെഗ്രിനി, ഫുൾടൈം തീരാന് ഇരുപത് മിനിറ്റ് ശേഷിക്കെ നേടിയ ഗോളോടെ ജര്മനിക്കെതിരെ വിലപ്പെട്ട മൂന്നു പോയിന്റ് നേടാമെന്ന ആഗ്രഹം മൂന്നു മിനുട്ടിനുള്ളില് തന്നെ കിമ്മിച്ച് തല്ലികെടുത്തി.
കഴിഞ്ഞ വേനൽക്കാലത്തെ യൂറോപ്യൻ ചാമ്പ്യൻഷിപ്പിന് ശേഷം ജോക്കിം ലോയിൽ നിന്ന് ഫ്ലിക്ക് ചുമതലയേറ്റതിന് ശേഷം ജർമ്മനി എട്ടു മത്സരങ്ങള് ജയിക്കുകയും രണ്ടെണ്ണം സമനിലയാക്കുകയും ചെയ്തു.ഫ്ലിക്കിനു കീഴില് മികച്ച പ്രകടനം ആണ് ജര്മനി കാഴ്ച്ചവക്കുന്നത്.ചൊവ്വാഴ്ച നേഷൻസ് ലീഗിൽ ഇംഗ്ലണ്ട് ആണ് ജര്മനിയുടെ അടുത്ത എതിരാളി,ഇറ്റലി ഹംഗറിയേയും നേരിടും.
