പിഎസ്ജി ,മാഞ്ചസ്റ്റര് സിറ്റിയുടെ വഴിയെ എസി മിലാനും
ഇറ്റലിയുടെ എസി മിലാനെ 1.1 ബില്യൺ ഡോളറിന് വാങ്ങാൻ എലിയറ്റ് മാനേജ്മെന്റുമായി ഇൻവെസ്റ്റ്കോർപ്പ് പ്രത്യേക ചർച്ചകൾ നടത്തിവരികയാണെന്ന് റിപ്പോർട്ട്.മുൻ ഉടമ ലി യോങ്ഹോംഗ് കടബാധ്യതകളിൽ വീഴ്ച വരുത്തിയപ്പോൾ 2018-ൽ എസി മിലാന്റെ ഉടമസ്ഥാവകാശം എലിയറ്റ് മാനേജ്മെന്റ് ഏറ്റെടുക്കുകയാണ് ചെയ്തത്.
ഇൻവെസ്റ്റ്കോർപ്പ് എസി മിലാന്റെ വാങ്ങൽ അന്തിമമാക്കുകയാണെങ്കിൽ, സോവറിൻ വെൽത്ത് ഫണ്ടുകൾ വാങ്ങിയ യൂറോപ്യൻ ഫുട്ബോൾ ക്ലബ്ബുകളുടെ വർദ്ധിച്ചുവരുന്ന പട്ടികയില് എസി മിലാനും ഇടം നേടും.ന്യൂകാസിൽ യുണൈറ്റഡിനെ കഴിഞ്ഞ വർഷം സൗദി അറേബ്യയുടെ പൊതു നിക്ഷേപ ഫണ്ട് 421 മില്യൺ ഡോളറിന് വാങ്ങിയിരുന്നു, അബുദാബി റോയൽ ഷെയ്ഖ് മൻസൂർ ബിൻ സായിദ് അൽ നഹ്യാന് മാഞ്ചസ്റ്റർ സിറ്റിയിൽ 77% ഓഹരിയുണ്ട്.ഖത്തർ ഇൻവെസ്റ്റ്മെന്റ് അതോറിറ്റിയുടെ ഉപസ്ഥാപനത്തിന്റെ കീഴില് ആണ് പിഎസ്ജിയും.
