മെസ്സിയുടെ മോശം ഫോം വെളിപ്പെടുത്തി കൊണ്ട് മറ്റൊരു റെക്കോര്ഡ്
വാരാന്ത്യത്തിൽ നീസിനെതിരെ പാരീസ് സെന്റ് ജെർമെയ്നിന്റെ (പിഎസ്ജി) 1-0 തോൽവിയിൽ ലയണൽ മെസ്സി ഒരു ഷോട്ട് പോലും ലക്ഷ്യത്തിലെത്തിച്ചില്ല. 2009-10 സീസണിന് ശേഷം ഇതാദ്യമായാണ് അർജന്റീന സൂപ്പർ താരത്തിന് ഒരു ലീഗ് മത്സരത്തിനിടെ ലക്ഷ്യത്തിലേക്ക് ഒരു ഷോട്ട് പോലും നേടാനാകാതെ പോകുന്നത്.ഗെയിമിൽ സ്വാധീനം ചെലുത്താൻ ലയണൽ മെസ്സി വളരെ പാടുപെട്ടു.താരത്തിന് ഫ്രഞ്ച് മാധ്യമങ്ങളുടെ പഴി ഇത് മൂലം കേള്കേണ്ടി വന്നു.
2019 കോപ്പ ഡെൽ റേ സെമിയിൽ റയൽ മാഡ്രിഡിനെതിരായ ബാഴ്സലോണയ്ക്കുവേണ്ടിയാണ് അവസാനമായി ഒരു ഷോട്ട് നേടാന് പോലും അർജന്റീനക്കാരന് പരാജയപ്പെട്ടത്.ക്ലബ്ബിനായി 24 മത്സരങ്ങളിൽ നിന്ന് ഏഴ് തവണ മാത്രമാണ് ഗോൾ കണ്ടെത്തിയത്.എന്നിരുന്നാലും താരം പിഎസ്ജിക്ക് വേണ്ടി പത്ത് അസിസ്റ് നല്കിയിട്ടുണ്ട്.
