ഓബക്ക് പകരം മോറാട്ടയേ സൈന്‍ ചെയ്യാന്‍ ആഴ്സണല്‍
ഈ വേനൽക്കാലത്ത് മുൻ റയൽ മാഡ്രിഡ് സ്‌ട്രൈക്കർ അൽവാരോ മൊറാറ്റയ്‌ക്കായി ആഴ്‌സനൽ മാനേജർ മൈക്കൽ അർട്ടെറ്റ പദ്ധതിയിടുന്നതായി റിപ്പോർട്ട്.2017-ൽ 60 മില്യൺ പൗണ്ടിന്റെ കരാറിൽ റയൽ മാഡ്രിഡിൽ നിന്ന് ആഴ്സണലിന്റെ കടുത്ത എതിരാളികളായ ചെൽസിയിലേക്ക് മാറിയതിനാൽ 29 കാരനായ മൊറാട്ടയ്ക്ക് പ്രീമിയർ ലീഗ് ഫുട്ബോൾ പരിചിതമാണ്. അതിനുശേഷം അത്ലറ്റിക്കോ മാഡ്രിഡിലേക്ക് മാറി, ഇപ്പോൾ യുവന്റസിൽ ലോണിലാണ് താരം.
ജനുവരിയിൽ ബാഴ്‌സലോണയിൽ ചേർന്ന പിയറി-എമെറിക്ക് ഔബമേയാങ്ങിന്റെ ശൂന്യത നികത്താൻ യുവന്റസിൽ നിന്ന് മൊറാട്ടയെ കൊണ്ടുവരാൻ ആഴ്‌സണൽ ശ്രമിക്കുന്നതായി കാൽസിയോമെർകാറ്റോയാണ് റിപ്പോര്‍ട്ട് നല്‍കിയത്.ചെൽസിയോടൊപ്പമുള്ള അദ്ദേഹത്തിന്റെ മോശം ഫോം മാത്രമാണ് ട്രാന്‍സ്ഫര്‍ നടത്താന്‍ ആഴ്സണലിന് തടസം സൃഷ്ട്ടിക്കുന്നത്. അദ്ദേഹത്തിനെ 60 മില്യണ്‍ നല്‍കിയാണ്‌ ഇംഗ്ലീഷ് ക്ലബ്‌ തങ്ങളുടെ പക്കല്‍ എത്തിച്ചത്.
