ടോട്ടന്‍ഹാമിന് തുടര്‍ച്ചയായ മൂന്നാം തോല്‍വി
ആദ്യ പകുതിയിൽ റൗൾ ജിമെനെസും ലിയാണ്ടർ ഡെൻഡോങ്കറും നേടിയ ഗോളുകൾക്ക് വോൾവർഹാംപ്ടൺ വാണ്ടറേഴ്സ് ടോട്ടന്‍ഹാം ഹോട്ട്സ്പര്‍സിനെ 2-0ന് തോൽപ്പിച്ച് ഞായറാഴ്ച പോയിന്റ്‌ പട്ടികയില്‍ ഏഴാം സ്ഥാനത്തെത്തി.മിഡ്‌വീക്കിൽ സതാംപ്‌ടണിനോട് ഹോം ഗ്രൗണ്ടിൽ 3-2 ന് തോറ്റതിന് ശേഷം വീണ്ടും പരാജയപ്പെട്ട ടോട്ടന്‍ഹാം തുടര്‍ച്ചയായ മൂന്നാം തോല്‍വി ആണ് നേരിടുന്നത്.
രണ്ടാം പകുതിയിൽ ടോട്ടൻഹാം മെച്ചപ്പെട്ടു, പക്ഷേ അവർക്ക് വൂള്‍വ്സിനെ മറികടക്കുക എന്നത് അസാധ്യം ആയിരുന്നു.മത്സരശേഷം വൂള്‍വ്സ് 37 പോയിന്‍റുമായി ഏഴാം സ്ഥാനത്തും ടോട്ടന്‍ഹാം 36 പോയിന്‍റുമായി എട്ടാം സ്ഥാനത്തുമാണ്.നവംബറിൽ ടോട്ടൻഹാം പരിശീലകനായി ചുമതലയേറ്റ അന്റോണിയോ കോണ്ടെ തന്റെ ആദ്യ ഒമ്പത് ലീഗ് മത്സരങ്ങളിൽ തോൽവിയറിയാതെ തുടര്‍ന്നിരുന്നു,എന്നാല്‍ ഇപ്പോള്‍ തുടര്‍ച്ചയായ തോല്‍വികള്‍ അദ്ദേഹത്തിന്റെ നിലനില്‍പ്പിനെ വരെ ചോദ്യം ചെയ്യുന്നു.
