മിലാന്‍ – നാപോളി പോരാട്ടം സമനിലയില്‍;ലാസിയോക്ക് ഉഗ്രന്‍ വിജയം
ശനിയാഴ്ച നടന്ന മത്സരത്തില്‍ ഇന്‍റര്‍ മിലാന്‍,നാപോളി ടീമുകള്‍ ഓരോ ഗോള്‍ വീധം നേടി കൊണ്ട് സമനിലയില്‍ പിരിഞ്ഞു. നപോളിക്ക് വേണ്ടി ഇന്സിഗ്നെ ഏഴാം മിനുട്ടില്‍ ഗോള്‍ നേടി ലീഡ് നേടി കൊടുത്തപ്പോള്‍ ഇന്‍റര്‍ മിലാന്‍ മറുപടി നല്‍കിയത് രണ്ടാം പകുതിയില്‍ ആയിരുന്നു.ഒരു പോയിന്റ്‌ ലീഡില്‍ ഇപ്പോഴും ഇന്‍റര്‍ മിലാന്‍ ലീഗ് പട്ടികയില്‍ ഒന്നാം സ്ഥാനത്ത് തുടരുകയും തൊട്ടടുത്ത്‌ നപോളിയും മിലാനെ വിടാതെ പിന്തുടരുന്നുണ്ട്.
സീരി എ യില്‍ നടന്ന മറ്റൊരു മത്സരത്തില്‍ ബോലോഗ്നയേ എതിരില്ലാത്ത മൂന്നു ഗോളിന് ലാസിയോ തകര്‍ത്തു.മാറ്റിയ സകാഗ്നി ഇരട്ട ഗോള്‍ നേടിയപ്പോള്‍ ആദ്യ ഗോള്‍ പിറന്നത് സിറോ ഇമോബൈലിന്റെ ബൂട്ടില്‍ നിന്നായിരുന്നു.ലാസിയോ നിലവില്‍ ആറാം സ്ഥാനത്തും ബോലോഗ്ന പതിമൂന്നാം സ്ഥാനത്തും തുടരുന്നു.
