റയലിനെതിരെ നെയ്മര്‍ ഉണ്ടാകില്ല
സ്പാനിഷ് വമ്പൻമാരായ റയൽ മാഡ്രിഡിനെതിരെ പിഎസ്ജിയുടെ സൂപ്പർ താരം നെയ്മർ യഥാസമയം തിരിച്ചുവരാൻ സാധ്യതയില്ല. ചാമ്പ്യൻസ് ലീഗിലെ റൗണ്ട് ഓഫ് 16 ന്റെ ആദ്യ പാദത്തിൽ അദ്ദേഹത്തിന് ബെഞ്ചിൽ ഉണ്ടാവാനുള്ള സാധ്യത പോലും കുറവ് ആണ്.30 കാരനായ ബ്രസീലിയൻ ഇന്റർനാഷണൽ കണങ്കാലിന് പരിക്കേറ്റതിനെത്തുടർന്ന് നവംബർ മുതൽ വിശ്രമത്തില്‍ ആണ്.ഈ ആഴ്ച താരം ടീമിനൊപ്പം പരിശീലനത്തിന് ഇറങ്ങിയിരുന്നു.
റയൽ മാഡ്രിഡിനെതിരായ പോരാട്ടത്തിൽ തന്റെ ബ്രസീലിയൻ സൂപ്പർ താരത്തിന്റെ തിരിച്ചുവരവിൽ തനിക്ക് ശുഭാപ്തി വിശ്വാസമുണ്ടെന്ന് പിഎസ്ജി മാനേജർ മൗറീഷ്യോ പോച്ചെറ്റിനോ കഴിഞ്ഞ മാസം പ്രസ്താവിച്ചിരുന്നു.ഇനി ബ്രസീലിയന്‍ താരത്തിനെ ഒഴിച്ച് നിര്‍ത്തി എങ്ങനെ റയലിനെ നേരിടണം എന്ന കാര്യം ആലോചിച്ച് പോച്ചേട്ടീനോ തല പുകക്കുന്നുണ്ടാകും.ഈ മത്സരത്തില്‍ തോല്‍വി നേരിട്ടാല്‍ ഒരു പക്ഷെ മാനേജരുടെ പിഎസ്ജി ഭാവി തന്നെ പരുങ്ങലില്‍ ആയേക്കും.
