മാനെയുടെ പെരുമാറ്റത്തെ പഴിച്ച് മുന് താരങ്ങള്
ഞായറാഴ്ചത്തെ മത്സരത്തിനിടെ ചെൽസി താരം സെസാർ അസ്പിലിക്യൂറ്റയുടെ മുഖത്ത് കൈമുട്ട് കുത്തിയതിനെ തുടർന്ന് സാദിയോ മാനെ ജയിലിൽ കിടക്കണം ആയിരുന്നു എന്ന് നോയൽ വീലൻ പ്രഖ്യാപിച്ചു. ചെൽസി ഡിഫൻഡറിനെതിരായ ആക്രമണാത്മക വെല്ലുവിളിക്ക് 29 കാരനായ ഫോർവേഡ് ചുവപ്പ് കാണേണ്ടതായിരുന്നുവെന്ന് മുൻ ലീഡ്സ് സ്ട്രൈക്കർ ഫുട്ബോൾ ഇൻസൈഡറോട് പറഞ്ഞു.താരത്തിന്റെ പെരുമാറ്റം വീലനെ മാത്രം അല്ല മറ്റ് പല പണ്ഡിറ്റ്കളെയും ചൊടിപ്പിച്ചു.
വെറും മഞ്ഞക്കാർഡ് മാത്രം ലഭിച്ച താരം ലിവർപൂളിനായി ഓപ്പണിംഗ് ഗോൾ നേടുകയും ചെയ്തു.ഈ സീസണിൽ 20 പ്രീമിയർ ലീഗ് മത്സരങ്ങളിൽ നിന്ന് സെനഗൽ മുന്നേറ്റ താരത്തിന് ഒമ്പത് ഗോളുകളും ഒരു അസിസ്റ്റും മാത്രമേ നേടാന് കഴിഞ്ഞിട്ടുള്ളൂ.അദ്ദേഹം തന്റെ ടോപ് ഫോമില് അല്ലാത്തത് ക്ലോപ്പിനും ക്ലബിനും ഏറെ ആശങ്ക പകരുന്നു.
