ദക്ഷിണ അമേരിക്കൻ ലോകകപ്പ് യോഗ്യതാ മത്സരങ്ങൾ കാരണം റയൽ മാഡ്രിഡ് & അത്ലറ്റിക്കോ മത്സരങ്ങൾ മാറ്റിവച്ചു

റയൽ മാഡ്രിഡും അത്ലറ്റിക്കോ മാഡ്രിഡും ഉൾപ്പെടുന്ന രണ്ട് വാരാന്ത്യ മത്സരങ്ങൾ മാറ്റിവയ്ക്കാനുള്ള ലാ ലിഗയുടെ അഭ്യർത്ഥന സ്പാനിഷ് സുപ്പീരിയർ സ്പോർട്സ് കൗൺസിൽ (CSD) അംഗീകരിച്ചു.ബ്രസീലും അർജന്റീനയും അടങ്ങുന്ന  സൗത്ത് അമേരിക്കന്‍ രാജ്യങ്ങള്‍ താരങ്ങളെ വ്യാഴാഴ്ചത്തെ മത്സരങ്ങൾക്കായി നിലനിർത്താൻ ഉദ്ദേശിക്കുന്നുവെന്ന് അറിഞ്ഞതോടെ സ്പാനിഷ്‌  ഭീമന്മാരുടെ പദ്ധതികൾ താറുമാറായി.

ഈ ഞായറാഴ്ച നിശ്ചയിച്ചിരുന്ന രണ്ട് ഗെയിമുകൾക്ക് ആണ് മാറ്റം സംഭവിക്കുക. അത്ലറ്റിക്കോയുടെ ഗ്രാനഡ സന്ദർശനവും അതോടൊപ്പം അത്ലറ്റിക് ക്ലബിനെതിരായ മാഡ്രിഡിന്റെ പോരാട്ടവും.സെപ്റ്റംബറിൽ സെവിയ്യ-ബാഴ്സലോണ, വിയാറയൽ-അലാവെസ് എന്നിവയിൽ സംഭവിച്ചതുപോലെ ലാ ലിഗയ്ക്ക് ഇപ്പോൾ ഈ മത്സരങ്ങൾ പുനക്രമീകരിക്കേണ്ടിവരും, അവ അന്തർദേശീയ ജാലകം കാരണം നിർത്തിവച്ചു, ഇനിയും ആ മത്സരങ്ങള്‍ കളിച്ചിട്ടില്ല.