കവാനി ഈ വിന്ററില്‍ ഓള്‍ ട്രാഫോര്‍ഡ് വിടണം
മാഞ്ചസ്റ്റർ യുണൈറ്റഡ് ക്രിസ്റ്റ്യാനോ റൊണാൾഡോ തങ്ങളുടെ പ്രതാപകാലത്തേക്ക് അവരെ തിരികെ നയിക്കുമെന്ന പ്രതീക്ഷയിലാണ്.അതേസമയം, ക്രിസ്റ്റ്യാനോ റൊണാൾഡോയുടെ സാന്നിധ്യം കാരണം എഡിൻസൺ കവാനിയോട് മാഞ്ചസ്റ്റർ യുണൈറ്റഡ് വിടാൻ ആവശ്യപ്പെട്ടിരിക്കുന്നു.കൂടാതെ ജനുവരിയിൽ ലോണിന് ഓൾഡ് ട്രാഫോർഡ് വിടാൻ ഡോണി വാൻ ഡി ബീക്കിനെ അനുവദിക്കാൻ റെഡ് ഡെവിൾസ് തയ്യാറുമാണ്.
റൊണാള്‍ഡോ വന്നതിനു ശേഷം തന്‍റെ ഏഴാം നമ്പര്‍ വിട്ട് കൊടുത്ത കവാനിക്ക് വൈകാതെ ടീമിലെ തന്‍റെ സ്ഥാനവും വിട്ട് കൊടുക്കേണ്ടി വന്നിരിക്കുന്നു.ഇതുവരെ ആറു മത്സരങ്ങളില്‍ നിന്നും അഞ്ചു ഗോള്‍ നേടാന്‍ റൊണാള്‍ഡോക്ക് കഴിഞ്ഞു.കാവാനിക്ക് ഏതു ടീമില്‍ വേണമെങ്കിലും പോയി ആദ്യ ഇലവനില്‍ കളിക്കാന്‍ ഉള്ള കഴിവ് ഉണ്ട് എന്നും അതിനാല്‍ ഈ ജനുവരിയില്‍ തന്നെ ക്ലബ്‌ വിടാന്‍ ഉപദേശിച്ചിരിക്കുകയാണ് ഉറുഗ്വായന്‍ മാനേജര്‍ ഗസ് പോയറ്റ്.
