ലൂക്കക്ക് പകരമൊരാളെ തിരയുന്ന മാഡ്രിഡ്‌
എഎസ് മൊണാക്കോ മിഡ്ഫീൽഡർ ഒറേലിയൻ ചൗമെനിയെ ഒപ്പിടാൻ റയൽ മാഡ്രിഡിന് താൽപ്പര്യമുണ്ടെന്നാണ് റിപ്പോർട്ട്. കഴിഞ്ഞ സീസണിൽ എഎസ് മൊണാക്കോയ്ക്ക് വേണ്ടി നടത്തിയ മികച്ച പ്രകടനങ്ങൾക്ക് ശേഷം 21-കാരൻ യൂറോപ്പിലെ പല മുൻനിര ക്ലബ്ബുകളിൽ നിന്നും ഓഫറുകള്‍ പ്രതീക്ഷിക്കുന്നുണ്ട്.എഎസ് മൊണാക്കോ ച്യൂമേനിയക്ക് ഇട്ടിരിക്കുന്ന വില ഏകദേശം 60 മില്യണ്‍ പൗണ്ട് ആണ്.
പ്രായമാകുന്ന ലൂക്ക മോഡ്രിച്ചിന് പകരം ഒരു മിഡ്ഫീല്‍ഡര്‍ റോളില്‍ ആണ് റയല്‍ ച്യൂമെനിയയേ കാണുന്നത്.ചൗമേനി 2020 ജനുവരിയിൽ ബോർഡോയിൽ നിന്ന് എഎസ് മൊണാക്കോയിൽ ചേർന്നു. മൊണാക്കോയിൽ തുടക്കം പാളിച്ചയായിരുന്നു എങ്കിലും നിക്കോ കോവാക്കിന്റെ ടീമില്‍ സ്ഥിര സാന്നിധ്യം നേടാന്‍ അധിക കാലം അദ്ദേഹത്തിന് കാത്തിരിക്കേണ്ടി വന്നില്ല. എഎസ് മൊണാക്കോയ്ക്കായി 42 മത്സരങ്ങളിൽ നിന്ന് മൂന്ന് ഗോളുകൾ നേടിയ താരം ഫ്രഞ്ച് ദേശീയ ടീമിനായി അഞ്ച് മത്സരങ്ങൾ കളിച്ചിട്ടുണ്ട്.
