ബാലോന്‍ ഡി ഓര്‍ ; ബെന്‍സെമ നേടും എന്ന പ്രതീക്ഷ പങ്കുവച്ച് റയല്‍ മാഡ്രിഡ്‌
2021 ബാലൺ ഡി ഓർ നേടാൻ കരീം ബെൻസേമ എന്ത് കൊണ്ടും യോഗ്യന്‍ ആണ് എന്ന് പറഞ്ഞുകൊണ്ട് താരത്തിന് പരസ്യമായി പിന്തുണ നല്‍കി റയല്‍ മാഡ്രിഡ്‌.നവംബർ 29 ന് നടക്കുന്ന ചടങ്ങിൽ പ്രഖ്യാപിക്കപ്പെടുന്ന ബാലൺ ഡി ഓർ പുരസ്‌കാരത്തിന് നാമനിർദ്ദേശം ചെയ്യപ്പെട്ട 30 പേരിൽ ഒരാളാണ് ബെൻസിമ.
താരം ഈ സീസണില്‍ മികച്ച ഫോം ആണ് കാഴ്ച്ചവച്ചത്.റയൽ മാഡ്രിഡിനായുള്ള എല്ലാ മത്സരങ്ങളി ല്‍ നിന്നും 30 ഗോളുകളും പിന്നെ ഒന്‍പത് അസിസ്റ്റുകളും നേടിയിട്ടുണ്ട്.യൂറോ 2020 ൽ ഫ്രാൻസിനുവേണ്ടി അദ്ദേഹം നാല് ഗോളുകള്‍ നേടി.കൂടാതെ യുവേഫ നേഷന്‍സ് ലീഗ് ഫൈനല്‍ മത്സരത്തില്‍ മികച്ച ഗോളോടെ ഫ്രാന്‍സിന്‍റെ തിരിച്ചുവരവ് യാഥാര്‍ത്ഥ്യം ആക്കുകയും ചെയ്തു.ട്വിട്ടറിലൂടെ ആണ് അദ്ദേഹത്തിനെ പിന്തുണച്ചുള്ള വാര്‍ത്ത റയല്‍ പോസ്റ്റ്‌ ചെയ്തത്.
