ക്യാപ്റ്റന്‍ സ്ഥാനത്ത് നിന്ന് പടിയിറങ്ങുന്നു കോഹ്ലി
റോയൽ ചലഞ്ചേഴ്സ് ബാംഗ്ലൂർ ക്യാപ്റ്റൻ എന്ന സ്ഥാനത്ത് നിന്ന് താന്‍ രാജി വച്ചു എന്ന് ക്യാപ്റ്റന്‍ കോഹ്ലി അറിയിച്ചു.ഐപിഎല്ലിൽ വർഷങ്ങളായി ഫ്രാഞ്ചൈസിക്ക് വേണ്ടി തന്റെ 120 ശതമാനം എപ്പോഴും നൽകിയിരുന്നു എന്നും അദ്ദേഹം പറഞ്ഞു.ഷാർജയിൽ തിങ്കളാഴ്ച നടന്ന എലിമിനേറ്ററിൽ കൊൽക്കത്ത നൈറ്റ് റൈഡേഴ്സിനോട് 4 വിക്കറ്റിന് തോറ്റ ആർസിബി ഐപിഎൽ 2021 ൽ നിന്ന് പുറത്തായി.
കഴിഞ്ഞ 10 വർഷമായി ആർസിബിയെ നയിച്ച വിരാട് കോലി 2013 ൽ ഡാനിയൽ വെട്ടോറിയിൽ നിന്ന് അവരുടെ മുഴുവൻ സമയ ക്യാപ്റ്റനായി ചുമതലയേറ്റു. 2016 ൽ അദ്ദേഹം അവരെ ഫൈനലിലേക്ക് നയിച്ചു, എന്നാൽ വർഷങ്ങളായി വന്‍ താരങ്ങളുടെ കൂമ്പാരം ഉണ്ടായിരുന്നിട്ടും കിരീടം നേടാന്‍ ആവാത്തത് കോഹ്ലിയെയും ബാംഗ്ലൂരിനെയും വല്ലാതെ അലട്ടിയിരുന്നു. ഐപിഎൽ 2021 ന്റെ യുഎഇ ലെഗ് ആരംഭിക്കുന്നതിന് മുമ്പ് തന്നെ സീസൺ പൂർത്തിയായ ശേഷം ക്യാപ്റ്റൻസി ഉപേക്ഷിക്കുമെന്ന്കോഹ്ലി പറഞ്ഞിരുന്നു.
