ബ്രസീല്‍ കൊളംബിയ മത്സരം ഗോള്‍ രഹിത സമനിലയില്‍
2022 ലോകകപ്പിനുള്ള ദക്ഷിണ അമേരിക്കൻ യോഗ്യതാ മത്സരങ്ങളിൽ ബ്രസീലിന്റെ ഒൻപത് മത്സരങ്ങളുടെ വിജയ റൺ അവസാനിപ്പിച്ചുകൊണ്ട് കൊളംബിയ ഞായറാഴ്ച ബ്രസീലിനെ 0-0 സമനിലയിൽ തളച്ചു.കരീബിയൻ ചൂടിൽ ഇരു ടീമുകളും മികച്ച അവസരങ്ങള്‍ ഉണ്ടാക്കാന്‍ കഴിയാതെ മത്സരം മൊത്തം മുരടിച്ചു നിന്നു.അവസാന അരമണിക്കൂറിനുള്ളിൽ ഇരു ടീമുകളും വിജയിക്കായി മുന്നിട്ടിറങ്ങിയെങ്കിലും കളി ഗോൾ രഹിതമായി നിലനിർത്താൻ ഇരു ടീമിന്‍റെ ഗോള്‍ കീപ്പര്മാരും മികച്ച സേവുകളോടെ കളം നിറഞ്ഞു.
ഇതോടെ 10 ടീമുകളുടെ ഗ്രൂപ്പിൽ 28 പോയിന്റുമായി ബ്രസീല്‍ തന്നെ ഒന്നാം സ്ഥാനത്ത് തുടരുന്നു.5 പോയിന്റുമായി കൊളംബിയ അഞ്ചാം സ്ഥാനത്താണ്.ബ്രസീലിന്റെ തൊട്ട് പുറകില്‍ തന്നെ അര്‍ജന്ട്ടീന ഉണ്ട്.ആറു വിജയവും നാല് സമനിലയും നേടിയ അവര്‍ 22പോയിന്‍റോടെ ലീഗില്‍ രണ്ടാം സ്ഥാനത്താണ്.
