മുള്ളര്‍ ജര്‍മനിയുടെ രക്ഷകന്‍ !!!
പുതിയ പരിശീലകൻ ഹാൻസി ഫ്ലിക്കിന്റെ കീഴിൽ നാല് മത്സരങ്ങളും ജയിച്ച ജർമ്മൻകാർ ഗ്രൂപ്പ് ജെയിലെ ഏഴ് മത്സരങ്ങളിൽ നിന്ന് 18 പോയിന്റുമായി നോർത്ത് മാസിഡോണിയയെയും അർമേനിയയെയും മറികടന്ന് ആറ് പോയിന്റുകൾ ലീഡ് നേടി ഒന്നാം സ്ഥാനം നിലനിര്‍ത്തി.ഇത്തവണ ജര്‍മന്‍ വിജയം റൊമാനിയക്കെതിരേ ആയിരുന്നു.
ഒന്നിനെതിരെ രണ്ടു ഗോളുകള്‍ക്ക് ആണ് ജര്‍മന്‍ വിജയം നേടിയത്.ഒന്‍പതാം മിനുട്ടില്‍ തന്നെ ലീഡ് നേടി കൊണ്ട് റൊമാനിയ ജര്‍മന്‍ നിരക്ക് സമ്മര്‍ദം ചെലുത്തിയിരുന്നു.രണ്ടാം പകുതിയില്‍ മാത്രം ആണ് ജര്‍മന്‍ പടക്ക് ഇതിനു മറുപടി നല്‍കാന്‍ ആയത്.52 ആം മിനുട്ടില്‍ ഗ്നാബ്രി ആണ് ആദ്യ ഗോള്‍ നേടിയത്.മത്സരം സമനിലയിലേക്ക് പോകും എന്ന് തോന്നിച്ചെങ്കിലും പകരക്കാരന്‍ ആയി ഇറങ്ങിയ മുള്ളര്‍ 81 ആം മിനുട്ടില്‍ ജര്‍മനിക്ക് വേണ്ടി വിജയ ഗോള്‍ നേടി.
