സൺറൈസേഴ്സ് ഹൈദരാബാദിനെ മുംബൈ ഇന്ത്യൻസ് 42 റൺസിന് തോൽപ്പിച്ചെങ്കിലും ഐപിഎൽ പ്ലേ ഓഫ് യോഗ്യത നേടാനായില്ല.

നിലവിലെ ചാമ്പ്യന്മാരായ മുംബൈ ഇന്ത്യൻസ് സൺറൈസേഴ്സ് ഹൈദരാബാദിനെ 42 റൺസിന് തോൽപ്പിച്ചു. ഒൻപത് വിക്കറ്റിന് 235 റൺസ് നേടിയ ശേഷം പ്ലേ ഓഫ് യോഗ്യത നേടുന്നതിന് ഹൈദരാബാദിനെ 65 അല്ലെങ്കിൽ അതിൽ താഴെയായി പുറത്താക്കേണ്ടത് ഉണ്ടായിരുന്നു.എട്ടു വിക്കറ്റിന് 193 റൺസ് നേടി എസ്ആർഎച്ച് ഈ സീസണിലെ തങ്ങളുടെ അവസാന ഐപിഎല്‍ മത്സരം  മോശം ആക്കിയില്ല.

ടോസ് നേടിയ മുംബൈ ബാറ്റിംഗ് തിരഞ്ഞെടുത്തു.ഇഷാന്‍ കിഷന്‍,സൂര്യ കുമാര്‍ യാദവ് എന്നിവരുടെ ഇന്നിങ്ങ്സില്‍ ആണ് മുംബൈ ഇത്രയും വലിയ സ്കോര്‍ പടുത്തുയര്‍ത്തിയത്.മറുപടി ബാറ്റിങ്ങിന് ഇറങ്ങിയ ഹൈദരാബാദിനെ ഇത്രയെങ്കിലും എത്തിച്ചത് മനിഷ് പാണ്ടേയുടെ ഇന്നിങ്ങ്സ് ആണ്.വിജയം നേടിയ മുംബൈ പോയിന്റ്‌ പട്ടികയില്‍ കൊല്‍ക്കത്തക്ക് ഒപ്പം എത്തി എങ്കിലും നെറ്റ് റണ്‍ റേറ്റ് ആണ് അവര്‍ക്ക് വില്ലന്‍ ആയത്.