ചെന്നൈയെ കടത്തി വെട്ടി ഡല്‍ഹി
പോയിന്റ് പട്ടികയിൽ ഒന്നാമതെത്താൻ ഡൽഹി ക്യാപിറ്റൽസ് ചെന്നൈ സൂപ്പർ കിംഗ്‌സിനെതിരെ (സിഎസ്‌കെ) 3 വിക്കറ്റിന് തകർപ്പൻ വിജയം നേടി. ജയിക്കാൻ 6 റൺസ് വേണ്ടിയിരുന്ന അവസാന ഓവറിൽ ഡൽഹി വെറും നാല് പന്ത് കൊണ്ട് തന്നെ ലക്ഷ്യം നേടി.വിജയത്തോടെ 20 പോയിന്‍റോടെ ലീഗില്‍ ഒന്നാം സ്ഥാനത്താണ് ഡല്‍ഹി.തൊട്ട് പിന്നില്‍ 18 പോയിന്റുമായി ചെന്നൈയും.
137 റണ്സ് ചേസ് ചെയ്യുന്നതിനിടെ കൃത്യമായ ഇടവേളകളിൽ ഡൽഹി വിക്കറ്റുകൾ നഷ്ടപ്പെട്ടുകൊണ്ടിരുന്നു,എന്നാല്‍ ശിഖർ ധവാൻ (39) ഒരറ്റത്ത് പിടിച്ചുനിന്നു. ധവാൻ പുറത്തായതിന് ശേഷം ഷിമ്രോൺ ഹെറ്റ്മിയർ ഡല്‍ഹിയുടെ നേതൃതം ഏറ്റെടുത്തു.മികച്ച ബോളിംഗ് പാടവം പുറത്തെടുത്ത അക്ഷര്‍ പട്ടേല്‍ ആണ് മാന്‍ ഓഫ് ദി മാച്ച്.നേരത്തെ ബാറ്റിങ്ങില്‍ അമ്പാട്ടി റായിഡു നേടിയ ഹാഫ് സെഞ്ചുറിയാണ് ചെന്നൈക്ക് പിന്തുണയായത്.
