അടുത്ത സീസണില്‍ ഈ താരങ്ങള്‍ ചെല്‍സിയില്‍ കാണില്ല
കഴിഞ്ഞ വർഷം എത്തിയതിന് ശേഷം ആദ്യ നിരയിൽ സ്ഥാനം ഉറപ്പിക്കാൻ കഴിയാതിരുന്ന ടിമോ വെർണറിനെയും ഹക്കിം സിയേക്കിനെയും ഓഫ്‌ലോഡ് ചെയ്യാൻ ചെൽസി പദ്ധതിയിടുന്നു.ജനുവരി ട്രാൻസ്ഫർ വിൻഡോയിൽ നിന്ന് തന്നെ വെർണറെ വിടാൻ ബ്ലൂസ് തീരുമാനിച്ചു എന്നാണ് അറിയാന്‍ കഴിഞ്ഞത്.ഈ സമ്മറില്‍ ഇന്‍റര്‍ മിലാനില്‍ നിന്നും ലുകാക്കുവിന്‍റെ തിരിച്ചു വരവോടെ ചെല്‍സിയില്‍ ഫോം ഇല്ലാത്ത വെര്‍ണര്‍ ഒരു അധിക പറ്റ് തന്നെ ആണ്.
ഏറെ പ്രതീക്ഷയോടെ ടീമില്‍ എത്തിയ സിയെക്ക് വിചാരിച്ച ഒരു സീസന്‍ അല്ല നിലവില്‍ നടക്കുന്നത്.അയാക്സില്‍ നിന്ന് 40 മില്യൺ പൗണ്ടിന്റെ ഇടപാടിലാണ് സിയെക്ക് ലണ്ടനിലേക്ക് എത്തിയത്.ചെൽസിക്ക് വേണ്ടി 45 മത്സരങ്ങളിൽ പങ്കെടുക്കുകയും അദ്ദേഹം ഏഴ് ഗോളുകളും വെറും നാല് അസിസ്റ്റും മാത്രമേ നേടിയുള്ളൂ.
