ഫ്രാങ്ക്ഫര്‍ട്ടിനു മുന്നില്‍ അടിയറവ് പറഞ്ഞ് കൊണ്ട് മ്യൂണിക്ക്
ബയേൺ മ്യൂണിക്കിനെ ഞെട്ടിച്ച് കൊണ്ട് എയിൻട്രാക്റ്റ് ഫ്രാങ്ക്ഫര്‍ട്ട്.21 വർഷത്തിനുള്ളിൽ ബയേണിൽ ആദ്യ ലീഗ് വിജയം നേടി ഫ്രാങ്ക്ഫര്‍ട്ട് ചരിത്രം കുറിച്ചു.ബയേണിനെ ഒന്നിനെതിരെ രണ്ടു ഗോളുകള്‍ക്ക് ആണ് ഫ്രാങ്ക്ഫര്‍ട്ട് തോല്‍പ്പിച്ചത്.തുടര്‍ച്ചയായ ഒൻപത് ഗെയിമുകളില്‍ വിജയം നേടിയ മ്യൂണിക്കിന്റെ തേരോട്ടം ആണ് ഫ്രാങ്ക്ഫര്‍ട്ട് അവസാനിപിച്ചത്.
29 ആം മിനുട്ടില്‍ ഗോള്‍ നേടി കൊണ്ട് ഗോരട്ട്സ്ക്ക ആണ് മത്സരത്തിലെ ആദ്യ ഗോള്‍ നേടിയത്.മൂന്ന് മിനുറ്റ് ആവുമ്പോഴേക്കും മാർട്ടിൻ ഹിന്ററെഗർ മറുപടി ഗോള്‍ നേടി.മത്സരം സമനിലയിലേക്ക് പോകും എന്ന് തോന്നിച്ചെങ്കിലും ഫിലിപ് കോസ്ട്ടിക്കിന്റെ ഗോള്‍ വിലപ്പെട്ട മൂന്ന് പോയിന്റ്‌ ഫ്രാങ്ക്ഫര്‍ട്ടിനു നേടി കൊടുത്തു.തോറ്റെങ്കിലും മ്യൂണിക്ക് ഏഴ് കളികളിൽ നിന്ന് 16 പോയിന്റുമായി പട്ടികയിൽ ഒന്നാം സ്ഥാനത്ത് തുടരുന്നു
