ആരാധകര്‍ക്ക് സൂപ്പര്‍ സണ്‍‌ഡേ ഒരുക്കി സിറ്റി – ലിവര്‍പൂള്‍ പോരാട്ടം
ഞായറാഴ്ച ലിവർപൂളിൽ നടന്ന മത്സരത്തിൽ മാഞ്ചസ്റ്റർ സിറ്റി രണ്ടുതവണ പിന്നില്‍ നിന്ന് തിരിച്ചു വന്ന മത്സരത്തില്‍ ഇരു ടീമുകളും ഈരണ്ട് ഗോള്‍ വീധം നേടി കൊണ്ട് സമനിലയില്‍ പിരിഞ്ഞു.ഇതോടെ ഇരു ടീമുകളും ഓരോ പോയിന്റ്‌ നേടി രണ്ടും മൂന്നും സ്ഥാങ്ങളില്‍ തുടരും.ഇന്നത്തെ മറ്റൊരു മത്സരത്തില്‍ വിജയം നേടിയ ചെല്‍സി ആണ് ലീഗില്‍ ഒന്നാം സ്ഥാനത്ത് തുടരുന്നത്.
59 ആം മിനുട്ടില്‍ ഗോള്‍ നേടി കൊണ്ട് മാനെ ലിവര്‍പൂളിനു ലീഡ് നേടി കൊടുത്തു.തുടരെ തുടരെ ലിവര്‍പൂള്‍ പോസ്റ്റിലേക്ക് ആര്‍ത്തിരമ്പി കേറി വന്ന സിറ്റി താരങ്ങളുടെ പരിശ്രമത്തിനു ഉള്ള ഫലം 69 ആം മിനുട്ടില്‍ ലഭിച്ചു.ഫോഡന്‍ ഗോള്‍ നേടി കൊണ്ട് സ്കോര്‍ സമനിലയാക്കി.അധികം നീണ്ടില്ല സിറ്റി പ്രതിരോധ താരങ്ങളെ മൊത്തം ചുറ്റിച്ചു സല നേടിയ ഗോള്‍ ലിവര്‍പൂളിനു വിജയം സമ്മാനിക്കും എന്ന് തോന്നിച്ചെങ്കിലും പെപ്പിന്റെ രക്ഷക്ക് കെവിന്‍ ഡി ബ്രൂയ്ന എത്തി.അതും 81 ആം മിനുട്ടില്‍.അതിനു ശേഷവും ഇരു ടീമുകളും പലപ്പോഴും അപകടങ്ങള്‍ സൃഷ്ട്ടിച്ചു എങ്കിലും ഒന്നും വലയില്‍ എത്താനുള്ള യോഗം ഉണ്ടായിരുന്നില്ല.
