സമനിലയില്‍ പിരിഞ്ഞ് യുണൈറ്റഡ് – എവര്‍ട്ടന്‍ പോരാട്ടം
ഓള്‍ഡ്‌ ട്രാഫോര്‍ഡില്‍ നടന്ന മത്സരത്തില്‍ ഇരു ടീമുകളും ഓരോ ഗോള്‍ നേടി കൊണ്ട് വഴി പിരിഞ്ഞു.ആരു മത്സരത്തില്‍ ജയം നെടുന്നുവോ അവര്‍ ലീഗ് പോയിന്റ്‌ പട്ടികയില്‍ ഒന്നാം സ്ഥാനം നേടും എന്നിരിക്കെ ഇരുവരും മികച്ച പോരാട്ടം ആണ് പുറത്തെടുത്തത്.ഓരോ പോയിന്റ്‌ പങ്കിട്ട ഇരുവരും രണ്ടും മൂന്നും സ്ഥാനം കൊണ്ട് തൃപ്തിപ്പെടേണ്ടി വന്നു.
ഇന്ന് ആദ്യ ഇലവനില്‍ ഒലെ റൊണാള്‍ഡോക്ക് അവസരം നല്‍കിയിരുന്നില്ല.പകരം കവാനി ആയിരുന്നു സ്ട്രൈക്കര്‍.ആദ്യ പകുതി തീരാന്‍ ഇരിക്കെ ബ്രൂണോ ഫെര്‍ണാണ്ടസ് സൃഷ്ട്ടിച്ച അവസരത്തില്‍ ഗോള്‍ നേടി കൊണ്ട് ആന്തണി മാര്‍ഷ്യല്‍ യുണൈറ്റഡിന് ലീഡ് നേടി കൊടുത്തു.65 ആം മിനുട്ടില്‍ ആയിരുന്നു എവര്‍ട്ടന്‍ കാത്തിരുന്ന അവസരം.അന്ദ്രോസ് ടൌണ്‍സെന്റ്‌ ഗോള്‍ നേടിയതോടെ യുണൈറ്റഡിന്റെ ഒന്നാം സ്ഥാനമോഹം എല്ലാം വെറുതെ ആയി.57 ആം മിനുട്ടില്‍ കവാനിക്ക് പകരം റൊണാള്‍ഡോ പിച്ചില്‍ എത്തി എങ്കിലും അദ്ദേഹത്തിനെ കൊണ്ട് ഇത്തവണ അവരെ രക്ഷിക്കാന്‍ ആയില്ല.
