ഫുട്ബോള്‍ പവര്‍ ഹൗസുകള്‍ തമ്മില്‍ മാറ്റുരക്കുന്നു
ചാമ്പ്യൻസ് ലീഗ് ഗ്രൂപ്പ് എയിൽ പാരീസ് സെന്റ് ജെർമെയ്ൻ ഇന്ന് രാത്രി ഇന്ത്യന്‍ സമയം പന്ത്രണ്ടരക്ക് മാഞ്ചസ്റ്റർ സിറ്റിയേ നേരിടും.കഴിഞ്ഞ സീസണിലെ സെമി ഫൈനലിൽ ഏറ്റുമുട്ടിയതിന് ശേഷം ഇരുവരും പരസ്പരം കാണുന്ന ആദ്യ മത്സരം ആണിത്.പെപ്പിന്റെ ടീം അന്ന് പിഎസ്ജിയെ തോല്‍പ്പിച്ചു കൊണ്ട് മുന്നേറിയപ്പോള്‍ വീണ്ടും പിഎസ്ജിയുടെ യുറോപ്പിയന്‍ മോഹങ്ങള്‍ പാഴായി.
എന്നാല്‍ അതിനു ശേഷം പിഎസ്ജിയില്‍ പല മാറ്റങ്ങളും വന്നു.അത് ഒരു നല്ല മാറ്റമാണോ അല്ലയോ ഇനിയും പറയാന്‍ ആയിട്ടില്ല.പല വിധ സൂപ്പര്‍ താരങ്ങള്‍ ടീമില്‍ എത്തി എങ്കിലും എല്ലാവരെയും ഒരു കൂടകീഴില്‍ ഒന്നിപ്പിച്ചു കളിപ്പിക്കാന്‍ പോചെട്ടീനോക്ക് ആയിട്ടില്ല.സിറ്റിയുടെ കാര്യം ആണെങ്കില്‍ ഒരു ക്ലാസ്സിക്ക് സ്ട്രൈക്കര്‍ ഇല്ലാതെ തന്നെ പ്രീമിയര്‍ ലീഗില്‍ മികച്ച ഫോമിലേക്ക് ഉയര്‍ന്നു വന്നിരിക്കുകയാണ് സിറ്റി.ഇത്തവണ സിറ്റിയില്‍ ആകെ വന്ന മാറ്റം ഇംഗ്ലീഷ് താരം ആയ ജാക്ക് ഗ്രീലിഷ് ആണ്.ഇന്നത്തെ മത്സരത്തില്‍ മെസ്സി കളിക്കുമോ എന്നാണ് ആരാധകര്‍ ഉറ്റുനോക്കുന്നത്,എന്നാല്‍ ആദ്യ ഇലവനില്‍ തീരുമാനം ഒന്നും ആയിട്ടില്ല എന്നാണ് പിഎസ്ജി കോച്ച് മാധ്യമങ്ങളോട് പറഞ്ഞത്.
