നൂനോയെ പുറത്താക്കാന്‍ ടോട്ടന്‍ഹാമില്‍ മുറവിളി
ന്യൂനോ എസ്പിരിറ്റോ സാന്റോയെ മാനേജരായി നിയമിക്കാൻ ടോട്ടൻഹാമിന് 72 ദിവസമെടുത്തു.എന്നാൽ വെറും 89 ദിവസങ്ങൾക്ക് ശേഷം അദ്ദേഹത്തിന്റെ സ്ഥാനം ഇതിനകം ഭീഷണിയിലാണ്.ഞായറാഴ്ച നോർത്ത് ലണ്ടൻ ഡെർബിയിൽ ആഴ്സണലിൽ സ്പർസിന്റെ 3-1 തോൽവിക്ക് ശേഷം പോർച്ചുഗീസ് മേധാവി തന്റെ ജോലി നിലനിർത്താനുള്ള തത്രപ്പാടില്‍ ആണ്.
പ്രീമിയർ ലീഗ് സീസണിൽ തുടർച്ചയായി മൂന്ന് മത്സരങ്ങൾ വിജയിച്ച് ലീഗ് പട്ടികയില്‍ ഒന്നാം സ്ഥാനത് ഉണ്ടായിരുന്ന ടോട്ടന്‍ഹാം തുടർച്ചയായ മൂന്നാം കനത്ത തോൽവി നേരിട്ട് കൊണ്ട് നിലവില്‍ ലീഗില്‍ പതിനൊന്നാം സ്ഥാനത്ത് ആണ്.ഇത് മാത്രമല്ല കോച്ചിന്റെ മത്സരശേഷമുള്ള അഭിപ്രായങ്ങളും ആരാധകരെ വട്ടുപ്പിടിപ്പിക്കുന്നു.ടോട്ടൻഹാം കളിക്കാർക്ക് ഉത്തരവുകൾ പാലിക്കാൻ കഴിയുന്നില്ലെന്ന് ആരോപിച്ച് നൂനോ പറഞ്ഞിരുന്നു.ടീം തിരഞ്ഞെടുക്കുന്നതിലെ തന്റെ പാളിച്ച പരസ്യമായി അംഗീകരിച്ചതും അദ്ധേഹത്തെ പുറത്താക്കാന്‍ ആരാധകര്‍ ആവശ്യപ്പെടാനുള്ള കാരണം ആയി.
