വിജയം ; തിരിച്ചുവരവ് നടത്തി ബാഴ്സലോണ
പതിനേഴാം സ്ഥാനത്തുള്ള ലെവാന്തയെ എതിരില്ലാത്ത മൂന്നു ഗോളിന് തോല്‍പ്പിച്ച് കൊണ്ട് ബാഴ്സലോണ ലീഗില്‍ തുടര്‍ച്ചയായ രണ്ടു സമനിലക്ക് ശേഷം ഒരു മധുര വിജയം ആഘോഷിച്ചു.പരിക്ക് ഭേദം ആയി തിരിച്ചു വന്ന ആദ്യ മത്സരത്തില്‍ തന്നെ ഗോള്‍ നേടി കൊണ്ട് യുവ താരം അനസൂ ഫാട്ടി തന്‍റെ വരവറിയിച്ചു.
ആറാം മിനുട്ടില്‍ തന്നെ ഗോള്‍ നേടി കൊണ്ട് മെംഫിസ് ഡീപേയ് ബാഴ്സക്ക് ലീഡ് നേടി കൊടുത്തു.ബാഴ്സക്ക് നേരെ മികച്ച ഒരു ആക്രമണം പോലും നടത്താന്‍ ലെവാന്തെക്ക് കഴിഞ്ഞിട്ടില്ല.പതിനാലാം മിനുട്ടില്‍ തന്‍റെ ആദ്യ ഗോള്‍ നേടിയ ലൂക്ക് ഡി യോങ്ങും ബാഴ്സയുടെ ആഘോഷത്തില്‍ പങ്കുചേര്‍ന്നു.ലീഗില്‍ മൂന്നാം വിജയം നേടിയ ബാഴ്സ പോയിന്റ്‌ പട്ടികയില്‍ അഞ്ചാം സ്ഥാനത്തേക്ക് കയറി.
