ജഡേജ ഷോ !!!!!
കൊൽക്കത്ത നൈറ്റ് റൈഡേഴ്സ് അവസാന പന്ത് വരെ പൊരുതിയെങ്കിലും രവീന്ദ്ര ജഡേജയുടെ അവസാന ഓവറുകളിലെ ചെറുത്തുനില്‍പ്പ് ചെന്നൈ സൂപ്പർ കിംഗ്സിന് രണ്ട് വിക്കറ്റിന് വിജയം നേടി കൊടുത്തു.ആദ്യ 10 ഓവറുകൾക്കുള്ളിൽ ടോപ് ഓർഡർ ബാറ്റ്സ്മാന്‍മാരെ നഷ്ടപ്പെട്ടെങ്കിലും, രാഹുൽ ത്രിപാഠി, ദിനേശ് കാർത്തിക്, നിതീഷ് റാണ എന്നിവരുടെ ഭേദപ്പെട്ട പ്രകടനം കൊല്‍ക്കത്തക്ക് വേണ്ടി 171 റണസ് നേടി കൊടുത്തു.
172 റൺസ് വിജയലക്ഷ്യവുമായി ഇറങ്ങിയ ചെന്നൈക്ക് വേണ്ടി ഓപ്പണർമാരായ റുതുരാജ് ഗെയ്ക്ക്‌വാഡും ഫാഫ് ഡു പ്ലെസിസും കൊൽക്കത്ത നൈറ്റ് റൈഡേഴ്‌സിനെതിരെ മികച്ച തുടക്കം കാഴ്ചവച്ചു.എന്നാല്‍ മിഡില്‍ ഓര്‍ഡര്‍ ബാറ്റ്സ്മാന്‍മാര്‍ പെട്ടെന്ന് തന്നെ പവിലിയനിലേക്ക് മടങ്ങിയപ്പോള്‍ ചെന്നൈക്ക് വേണ്ടി രക്ഷാപ്രവര്‍ത്തനം നടത്തിയത് 8 പന്തില്‍ നിന്ന് 22 റണസ് എടുത്ത ജഡേജയുടെ ഇന്നിങ്ങ്സ് ആയിരുന്നു.വിജയം നേടിയ സിഎസ്ക്കെ ഡെല്‍ഹിയെ മറികടന്നു കൊണ്ട് പോയിന്റ്‌ പട്ടികയില്‍ ഒന്നാം സ്ഥാനത്തേക്ക് കയറി.
