സുവാരസിനെ കൊടുത്ത ബാഴ്സയുടെ പ്രവര്ത്തിയെ വിമര്ശിച്ച് ആല്ബ
ലൂയിസ് സുവാരസിനെ അറ്റ്ലെറ്റിക്കോ മാഡ്രിഡിന് വിൽക്കാനുള്ള ബാഴ്സലോണയുടെ തീരുമാനത്തെ ഒരു തമാശയായി ജോർഡി ആൽബ മുദ്രകുത്തി. അതേസമയം, മുൻ ടീം അംഗം വാണ്ട മെട്രോപൊളിറ്റാനോയിൽ തന്നെ സംശയിച്ചവര്ക്ക് എല്ലാത്തിനുമുള്ള മറുപടി കൊടുത്തു എന്നും ആല്ബ വെളിപ്പെടുത്തി.
“അദ്ദേഹം ബാഴ്സലോണയ്ക്ക് ധാരാളം നൽകി, അവർ പ്രായോഗികമായി അവനെ വെറുതെ വിട്ടുകൊടുത്തു, എല്ലാത്തിനുമുപരിയായി അവനെ കൊടുത്തത് ഞങ്ങളുടെ എതിരാളികള് ആയ അത്ലറ്റിക്കോ മാഡ്രിഡിനും.നോക്കൂ, അവർ അവനുമായി ലീഗ് ജയിച്ചു. എനിക്ക് അത് ഇഷ്ടപ്പെട്ടില്ല. ഞങ്ങളുടെ സുഹൃദ്ബന്ധം മാറ്റിനിർത്തിയാൽ, അവനെപ്പോലെയുള്ള ഒരു സ്ട്രൈക്കറെ നിങ്ങൾ എവിടെ കണ്ടെത്തും?അദ്ദേഹത്തിന്റെ കഴിഞ്ഞ വർഷം ബാഴ്സയിൽ അത്ര എളുപ്പമായിരുന്നില്ല എന്നാല് തനിക്കെതിരെ വായ തുറന്ന എല്ലാരുടെയും വായ അവന് തന്നെ അടപിക്കുകയും ചെയ്തു.”ബ്ലൂഗ്രാന ഫുൾ ബാക്ക് കാഡെന എസ്ഇആറിനോട് പറഞ്ഞു.
