ഇനിയുള്ള മല്‍സരങ്ങള്‍ ബാഴ്സക്ക് ജയിച്ചേ തീരൂ എന്നു പിക്വെ
ലാ ലിഗ കിരീടം നേടണമെങ്കില്‍ ബാഴ്സക്ക് അത്ലറ്റിക്കോ മാഡ്രിഡിനെ തോല്‍പ്പിക്കുക തന്നെ വേണം എന്നു ബാഴ്സയുടെ ഡിഫന്‍റര്‍ ജെറാര്‍ഡ് പിക്വെ.34 മത്സരങ്ങളിലൂടെ മൂന്നാം സ്ഥാനത്തുള്ള ബാഴ്സലോണ അറ്റ്ലെറ്റിക്കോ മാഡ്രിഡിന് പിന്നിൽ രണ്ട് പോയിന്റും റയൽ മാഡ്രിഡുമായി സമനിലയിലുമാണ്.
“ഗ്രാനഡയ്‌ക്കെതിരായ അപ്രതീക്ഷിത തോൽവിക്ക് ശേഷം ഇന്നല്ലാതെ മല്‍സരത്തില്‍ ഞങ്ങള്‍ നന്നായി പോരാടി.വലന്‍സിയക്കെതിരെയുള്ള വിജയം ഞങ്ങളുടെ ആത്മവിശ്വാസത്തെ വര്‍ധിപ്പിക്കുന്നു.ജയിക്കുകയെന്ന ഒരേയൊരു ആശയത്തോടെയാണ് ഞങ്ങൾ ഞങ്ങളെ അറ്റ്ലാറ്റിക്കോ മാഡ്രിഡ് ഗെയിമിനായി ഒരുക്കുന്നത്. ഇത് ഞങ്ങളുടെ കൈയിലാണ്. ഞങ്ങൾക്ക് വിജയിക്കണം, മറ്റ് മാർഗമില്ല.”ബാഴ്സലോണ താരം ഇന്നലത്തെ മല്‍സരത്തിന് ശേഷം മോവിസ്റ്റാറിനോട് പറഞ്ഞു.ഒരു ഗോളിന് ബാഴ്സ പിന്നില്‍ ആയിരുന്നു എങ്കിലും തുടരെ തുടരെ മൂന്നു ഗോള്‍ നേടാന്‍ കഴിഞ്ഞത് മല്‍സരത്തില്‍ വഴിത്തിരിവ് ആയി.
