കുട്ടിഞ്ഞോക്ക് വേണ്ടി ബാഴ്സയുടെ അടുത്തേക്ക് എവര്‍ട്ടന്‍
നിലവില്‍ ബാഴ്സ താരമായ കുട്ടിഞ്ഞോയെ സൈന്‍ ചെയ്യാന്‍ താല്‍പര്യം ഏവര്‍ട്ടണ്‍ പ്രകടിപ്പിച്ചതായി തി സണ്‍ റിപ്പോര്‍ട്ട് ചെയ്തു. 145 മില്യൺ ഡോളറിന് ആൻ‌ഫീൽഡിൽ നിന്ന് സ്‌പെയിനിലേക്ക് പോയതിന് ശേഷം 28 കാരനായ ബ്രസീലിയന്‍റെ കരിയര്‍ ദയനീയം ആയി.18 മാസത്തിനുശേഷം ബാഴ്സ താരത്തിനെ വിൽക്കാൻ ശ്രമിച്ചുവെങ്കിലും ബയേൺ മ്യൂണിക്കിൽ വായ്പ നല്‍കാനേ അവര്‍ക്ക് കഴിഞ്ഞുള്ളൂ.
നൗ ക്യാമ്പിലേക്ക് മടങ്ങിയെത്തിയ അദ്ദേഹം 14 മത്സരങ്ങളിൽ പങ്കെടുത്തു, പക്ഷേ കാൽമുട്ടിനേറ്റ പരിക്കിനെത്തുടർന്ന് ഡിസംബർ അവസാനം മുതൽ താരം ഫൂട്ബോള്‍ കളിച്ചിട്ടില്ല.ഈ മാസം തുടക്കത്തിൽ തന്നെ ശസ്ത്രക്രിയ നടത്തിയതിനാല്‍ ഈ സീസണിൽ ഇനി അദ്ദേഹം കളിച്ചേക്കില്ല.താരം തന്റെ ആരോഗ്യം പൂര്‍ണമായി വീണ്ടെടുത്താല്‍ മാത്രമേ എവര്‍ട്ടന്‍ ഒരു ഡീലില്‍ എത്തുകയുള്ളൂ എന്നും റിപ്പോര്‍ട്ടില്‍ പറയുന്നുണ്ട്.
