റാഷ്ഫോര്ഡിന് ആത്മവിശ്വാസം നേടേണ്ടത് അത്യന്താപേക്ഷിതം എന്നു ബ്രൂണോ
ചാമ്പ്യൻസ് ലീഗ് ഹാട്രിക്ക് നേടാനുള്ള അവസരം ഒഴിവാക്കി ടീം അംഗമായ മാർക്കസ് റാഷ്ഫോർഡിന്റെ ആത്മവിശ്വാസത്തിന് സഹായിച്ചതായി മാഞ്ചസ്റ്റർ യുണൈറ്റഡ് താരം ബ്രൂണോ ഫെർണാണ്ടസ് വെളിപ്പെടുത്തി.ചൊവ്വാഴ്ച വൈകുന്നേരം ഓൾഡ് ട്രാഫോർഡിൽ നടന്ന ഇസ്താംബുൾ ബസാക്ഷീറിനീതിരെയുള്ള മല്സരത്തില് ഇരട്ട ഗോള് നേടി ബ്രൂണോ മികച്ച ഫോമില് ആയിരുന്നു.എന്നാല് പെനാല്ട്ടി മാര്ക്കസ് റാഷ്ഫോര്ഡിന് നല്കി ബ്രൂണോ തന്റെ ഹാട്രിക്ക് ചാന്സ് ത്യജിച്ചു.
“തീർച്ചയായും എല്ലാ കളിക്കാരനും ഹാട്രിക്ക് ആഗ്രഹിക്കുന്നു.എന്നാൽ പ്രീമിയർ ലീഗിലെ കളിക്ക് ശേഷം റാഷ്ഫോർഡിനോട് അടുത്തത് നല്കാം എന്നു ഞാന് പറഞ്ഞിരുന്നു.പെനാല്ട്ടി ലഭിച്ചപ്പോള് എന്റെ മനസില് ഞാന് കൊടുത്ത വാക്ക് ഓര്മയില് വന്നു,കൂടാതെ ചാമ്പ്യൻസ് ലീഗിലെ ടോപ് സ്കോറർമാരിൽ ഒരാളാണ് അദ്ദേഹം, അതിനാൽ ആത്മവിശ്വാസം നേടേണ്ടത് പ്രധാനമാണ്.”ഫെർണാണ്ടസ് ബിടി സ്പോർട്ടിന് ശേഷമുള്ള മത്സരത്തോട് പറഞ്ഞു.
