കോമാന് മെസ്സിയേ എന്ത് ചെയ്യുമെന്നു എനിക്ക് കാണണം എന്ന് മിഡോ
ലയണൽ മെസ്സി ബാഴ്സലോണയെ പരസ്യമായി വിമർശിക്കുന്നതിനോട് റൊണാൾഡ് കോമാൻ എങ്ങനെ പ്രതികരിക്കുന്നുവെന്ന് കാണാൻ തനിക്ക് താൽപ്പര്യമുണ്ടെന്ന് മിഡോ പറയുന്നു, ക്ലബ്ബിനെതിരായ പരസ്യമായ പ്രസ്ഥാവന കാരണം ഡച്ചുകാരൻ അയാക്സിൽ തന്റെ കരിയർ കോമാന് അവസാനിപ്പിച്ചുവെന്ന് മിഡോ അഭിപ്രായപ്പെട്ടു.സുവാരസിനെ പുറത്താക്കിയതിന് മെസ്സി ക്ലബ് മാനേജ്മെന്റിനെ പരസ്യമായി ഇന്സ്ടഗ്രാമില് വിമര്ശിച്ചിരുന്നു.
മിഡോ ട്വിറ്ററിൽ കുറിച്ചു: “സുവാരസിനെക്കുറിച്ചുള്ള മെസ്സിയുടെ വാക്കുകളോട് കോമാന്റെ പ്രതികരണം കാണാൻ ഞാൻ ആഗ്രഹിക്കുന്നു. കോമാൻ എന്നെ വേട്ടയാടുകയും അയാക്സിനോട് എന്നെ വിൽക്കാൻ ആവശ്യപ്പെടുകയും ചെയ്തു, കാരണം ഞാൻ ടീമിനെക്കുറിച്ച് മാധ്യമങ്ങളിൽ സംസാരിച്ചു, എനിക്ക് അന്ന് 18 വയസ്സ് മാത്രമേ ഉണ്ടായിരുന്നുള്ളൂ.ഞാന് എന്നെ മെസ്സിയുമായി തരതമ്യം ചെയ്യുകയല്ല.എന്നാല് ഞാന് ഒരുപാട് കാലം അറിയാന് ആഗ്രഹിച്ചിരുന്ന കാര്യം അറിയാന് ഇനി കഴിയും.
